Theó­dór Elmar ekki á heim­leið og hefur samið í Grikk­landi

KR-ingurinn var síðast á mála hjá Akhisarspor í Tyrklandi þar sem hann hefur leikið frá árinu 2019 en hann hafði leikið í Tyrklandi síðan 2017.

Einnig hefur Elmar leikið í Skotlandi, Danmörku og Svíþjóð áður en hann færði sig yfir til Tyrklands. Hann á að baki 41 landsleiki fyrir íslenska landsliðið en sá síðasti kom árið 2018.

Elmar, sem er 33 ára gamall, hefur verið orðaður við heimkomu að undanförnu en sögusagnir voru um að hann gæti verið á leið heim í KR.

Nú er ljóst að svo verður ekki og hann mun leika með Lamia en liðið er á botninum í Grikklandi með tvö stig eftir tíu leiki.