Æfingahringur með Masters-sigurvegara breytti miklu

Birgir Leifur Hafþórsson, einn besti kylfingur landsins sat fyrir svörum í netspjalli hjá Golfklúbbi Kópavogs og Garðabæjar, GKG, nýverið. Þar sagði hann meðal annars að æfingahringur með Bernhard Langer hafi breytt miklu fyrir sig en Langer vann á sínum tíma Masters-mót.

Birgir er eini íslenski kylfingurinn sem hefur komist á Evrópumótaröðina í karlaflokki. Þegar hann var ungur að árum lék hann æfingahring með hinum þýska Langer á Mallorca og komst í kjölfarið að því að hann ætti langt í land með að ná þeim bestu í golfheiminum.

„Ég gleymi því aldrei, það var him­inn á haf á milli okk­ar. Á þess­um tíma­punkti kenndi hann mér margt. Við spiluðum átján hol­ur og hann gaf vel af sér. Einnig lærði ég mikið með því að fylgj­ast með því hvernig hann und­ir­bjó sig fyr­ir hring­inn,“ sagði Birgir í útsendingunni.

„Langer var mjög skipu­lagður og gerði allt eins. Hann sló sem dæmi tvö til þrjú högg af hverj­um teig á hringn­um [æf­inga­hring­ur]. Sjaldn­ast voru nema fimm til tíu metr­ar á milli þeirra staða sem bolt­arn­ir voru eft­ir högg­in. Ef ég gerði slík hið sama þá gat eitt höggið hjá mér lent tuttugu metr­um vinstra meg­in við braut og annað tuttugu metr­um hægra meg­in við.”

„Ég fann að ég þurfti aðstoð varðandi tækninga og ég þyrfti að skilja hana betur. Ég hafði ekki fengið mikla þjálfun hér heima og hafði aðallega lært af því að keppa,“ sagði Birgir að lokum.

Bernhard Langer vann á sínum tíma tvö Masters-mót, árin 1985 og 1993. Einnig var hann fastamaður í Ryder-liði Evrópu þegar Evrópa fór loks að standa upp í hárinu á Banaríkjamönnum í þeirri keppnum.