Henry Birgir Gunnarsson og sérfræðingar hans í Seinni bylgjunni héldu lokahóf sitt á Stöð 2 Sport í kvöld og völdu bestu leikmennina, þjálfarana, dómarana og stuðningsmennina.
Tímabilinu í Olís-deildunum lauk fyrr en ella vegna kórónuveirufaraldursins. Framkonur og Valsmenn fengu deildarmeistaratitlana en ekki verða krýndir Íslandsmeistarar í handbolta í ár.
Haukur Þrastarson úr Selfossi og Steinunn Björnsdóttir úr Fram voru valin bestu leikmenn Íslandsmótsins. Steinunn var einnig valin besti varnarmaðurinn og var ein þriggja leikmanna Fram í liði ársins í Olís-deild kvenna. Stefán Arnarson, þjálfari Fram, var valinn besti þjálfari deildarinnar en karlamegin var Snorri Steinn Guðjónsson hjá Val valinn besti þjálfarinn.
ÍBV á þrjá leikmenn í liði ársins í Olís-deild karla og stuðningsmenn ÍBV voru valdir bestu stuðningsmenn deildanna. ÍR og HK áttu bestu ungu leikmennina og bestu dómararnir voru valdir Anton Gylfi Pálsson og Jónas Elíasson.
Lista yfir verðlaunahafana má sjá hér að neðan.
Olís-deild karla:
Lið ársins:
Markvörður: Phil Döhler, FH
Vinstra horn: Hákon Daði Styrmisson, ÍBV
Vinstri skytta: Haukur Þrastarson, Selfoss
Leikstjórnandi: Anton Rúnarsson, Valur
Hægri skytta: Kristján Örn Kristjánsson, ÍBV
Hægra horn: Guðmundur Árni Ólafsson, Afturelding
Línumaður: Kári Kristján Kristjánsson, ÍBV
Besti leikmaður: Haukur Þrastarson, Selfoss
Besti þjálfari: Snorri Steinn Guðjónsson, Valur
Besti ungi leikmaðurinn: Hafþór Már Vignisson, ÍR
Besti varnarmaður: Róbert Sigurðarson, ÍBV
Olís-deild kvenna:
Lið ársins:
Markvörður: Íris Björk Símonardóttir, Valur
Vinstra horn: Sigríður Hauksdóttir, HK
Vinstri skytta: Lovísa Thompson, Valur
Leikstjórnandi: Karen Knútsdóttir, Fram
Hægri skytta: Díana Dögg Magnúsdóttir, Valur
Hægra horn: Þórey Rósa Stefánsdóttir, Fram
Línumaður: Steinunn Björnsdóttir, Fram
Besti leikmaður: Steinunn Björnsdóttir, Fram
Besti þjálfari: Stefán Arnarson, Fram
Besti ungi leikmaðurinn: Jóhanna Margrét Sigurðardóttir, HK
Besti varnarmaður: Steinunn Björnsdóttir, Fram
Fyrir báðar deildir:
Bestu stuðningsmenn: ÍBV
Bestu dómararnir: Anton Gylfi Pálsson og Jónas Elíasson.
Seinni bylgjan er uppgjörsþáttur Stöðvar 2 Sports um Olísdeildir karla og kvenna í handbolta og er á dagskrá öll mánudagskvöld. Upptökur af þættinum má nálgast á sjónvarpsvef Stöðvar 2. Stöð 2 Sport er hluti af Sportpakkanum.
