Fótbolti

Svava sú fjórða í Frakklandi

Anton Ingi Leifsson skrifar
Svava í landsleik gegn Ungverjalandi fyrr á árinu.
Svava í landsleik gegn Ungverjalandi fyrr á árinu. VÍSIR/BÁRA

Svava Rós Guðmundsdóttir hefur fært sig um set og hefur samið við Bordeaux í frönsku úrvalsdeildinni. Franska liðið staðfesti komu Svövu á vef sínum fyrr í dag.

Bordeaux er í þriðja sæti deildarinnar eins og er; á eftir stórliðunum PSG og Lyon.

Svava verður fjórði leikmaðurinn í franska kvennaboltanum en Sara Björk Gunnarsdóttir leikur með Lyon og Anna Björk Kristjánsdóttir og Berglind Björg Þorvaldsdóttir með Le Havre.

Svava var síðast á mála hjá Kristianstad í Svíþjóð en hér heima hefur hún leikið með bæði uppeldisfélaginu Val og Breiðabliki.

Hún hefur leikið 24 A-landsleiki og skorað í þeim eitt mark.

Franski boltinn

Mest lesið


Fleiri fréttir

Sjá meira


×

Mest lesið