Hand­tekinn vegna gruns um í­kveikju í húsi á Ólafs­firði

Í tilkynningu frá lögreglunni á Norðurlandi eystra segir að grunur hafi vaknað að um íkveikju væri að ræða. Íbúi neðri hæðar hússins var þá handtekinn á vettvang skömmu fyrir klukkan þrjú þá um nóttina.

Einnig segir að strax náðst samband við íbúa efri hæðar hússins af lögreglu þegar komið var á vettvang. Rannsókn sé á frumstigi og hafi verið leitað aðstoðar tæknideildar lögreglu sem framkvæmdi vettvangsrannsókn á miðvikudaginn.

„Niðurstaðan þeirrar rannsóknar er væntanleg og verða skýrslutökur af vitnum svo fljótt sem verða má er veður gengur niður, en ófært hefur verið nánast síðan um Ólafsfjarðarmúla vegna snjóflóða og snjóflóðahættu. Ekki er unnt að veita frekari upplýsingar um málið að svo stöddu,“ segir í tilkynningunni.