Fimm konur og fimm karlar bjóða sig fram fyrir Framsókn í NV-kjördæmi

Meðal þeirra sem falast eftir sæti á lista eru forsetar sveitarstjórna í Vesturbyggð og Skagafjarðar og formaður Sambands ungra Framsóknarmanna. Líkt og fram hefur komið hyggst Ásmundur Einar Daðason, félags- og barnamálaráðherra og oddviti flokksins í kjördæminu, ekki bjóða sig fram í kjördæminu að þessu sinni, heldur í Reykjavík. Halla Signý Kristjánsdóttir er þannig eini núverandi þingmaður flokksins sem sækist eftir sæti á lista en hún óskar eftir fyrsta til öðru sæti.

Stefán Vagn Stefánsson, forseti sveitarstjórnar í Skagafirði og lögreglumaður, hefur aftur á móti tekið sæti sem varamaður á Alþingi fyrir flokkinn, en hann óskar eftir fyrsta sæti á lista. Kosið verður um fimm efstu sæti á lista í póstkosningunni sem hefst í næsta mánuði. Flokkurinn náði inn tveimur þingmönnum í kjördæminu í síðustu alþingiskosningum.

Listann í heild sinni yfir þá sem eru í framboði má sjá hér að neðan:

Stefán Vagn Stefánsson, forseti sveitarstjórnar í Skagafirði, 1. sæti

Guðveig Eyglóardóttir, sveitarstjórnarmaður í Borgarbyggð, 1.-2. sæti

Halla Signý Kristjánsdóttir, alþingismaður í Bolungarvík, 1.-2. sæti

Lilja Rannveig Sigurgeirsdóttir, formaður SUF, 2. sæti

Iða Marsibil Jónsdóttir, forseti bæjarstjórnar í Vesturbyggð, 2.-3. sæti

Gunnar Tryggvi Halldórsson, sveitarstjórnarmaður Blönduós, 3. sæti

Friðrik Már Sigurðsson, verkefnastjóri og sveitarstjórnarfulltrúi, Húnaþingi vestra, 3.-4.sæti

Gunnar Ásgrímsson, háskólanemi á Sauðárkróki, 5. sæti

Ragnheiður Ingimundardóttir, verslunarmaður í Strandabyggð, 5.-6. sæti

Tryggvi Gunnarsson, skipsstjóri frá Flatey, 3.-5 sæti