Handbolti

Lærisveinar Aðalsteins tylltu sér í toppsætið með stórsigri

Arnar Geir Halldórsson skrifar
Aðalsteinn Eyjólfsson.
Aðalsteinn Eyjólfsson. Mynd/Aðsend

Aðalsteinn Eyjólfsson stýrði liði sínu, Kadetten Schaffhausen, til sigurs í svissnesku úrvalsdeildinni í handbolta í kvöld.

Kadetten tók á móti botnliði Endingen og var aldrei spurning um hvoru megin sigurinn myndi lenda.

Jafnræði var með liðunum fyrstu mínútur leiksins en snemma tóku heimamenn í Kadetten leikinn yfir og leiddu til að mynda með sex mörkum í leikhléi, 14-8.

Í síðari hálfleik hélt forystan áfram að aukast og fór að lokum svo að Kadetten vann nítján marka sigur, 38-19.

Með sigrinum lyfti Kadetten sér upp í efsta sæti deildarinnar en liðið er ríkjandi meistari.

Handbolti

Mest lesið


Fleiri fréttir

Sjá meira


×

Mest lesið