Mót­mæli fyrir utan liðs­hótel læri­sveina Heimis

Írar undirbúa sig fyrir fyrstu fjóra leiki sína í deildinni og dvelja á Castleknock-hótelinu. Þeir hefja mótið á tveimur útileikjum, gegn Kósovó og svo Ísrael.

Leikirnir sem Írar spila við Ísrael munu fara fram á hlutlausum velli en Heimir Hallgrímsson, landsliðsþjálfari Írlands, var í gær harðlega gagnrýndur af ísraelska knattspyrnusambandinu fyrir ummæli sín á blaðamannafundi.

„Við erum ekki að spila með þjóðarmorði, við erum að spila gegn þjóðarmorði. Við erum að spila gegn Ísrael, við erum ekki að spila með Ísrael,“ sagði Heimir en mikil umræða hefur farið fram um það hvort Írar eigi yfirhöfuð að vera að spila við Ísrael sökum stöðunnar á Gaza.

Samkvæmt Irish Mirror söfnuðust á milli 100 til 200 mótmælendur, margir hverjir með palestínska fánann, saman fyrir utan hótel írska landsliðsins í gær og kröfðust þess að Írar myndu ekki mæta á fyrirhugaða leiki gegn Ísrael.