Innlent

Kom heim og fann konu klædda í fötin sín

Hólmfríður Gísladóttir skrifar
Vísir/Vilhelm

Lögregla var kölluð á vettvang um kvöldmatarleytið í gær þegar kona kom að heimili sínu og fann aðra konu þar fyrir, sem reyndist vera búin að klæða sig í föt húsráðanda. 

Náði eigandinn að koma óboðna gestinum út en tók svo eftir því að veski og fleira var horfið.

Málið er í rannsókn.

Stuttu seinna var tilkynnt um skemmdarverk í póstnúmerinu 105 en þar hafði verið stungið með eggvopni í hjólbarða þriggja bifreiða. Atvikið mun hafa átt sér stað um helgina, að því er segir í tilkynningu frá lögreglu.

Nokkrir voru stöðvaðir grunaðir um akstur undir áhrifum og án ökuréttinda. Þá var 17 ára ökumaður stöðvaður á 111 km/klst á Reykjanesbraut og samband haft við forráðamann.

Lögreglumál

Mest lesið


Fleiri fréttir

Sjá meira


×

Mest lesið