Engin sekt eða bann vegna hnefahögganna í Grindavík

Grindavík vann Stjörnuna í gær og tryggði sér oddaleik í einvígi liðanna í 8-liða úrslitum Dominos-deildar karla.

Í þriðja leikhluta í gær sauð upp úr á áhorfendapöllunum þar sem sjá mátti stuðningsmann Grindavíkur beita hnefahöggum eftir að stuðningsmaður Stjörnunnar reif af honum trommukjuða. Atvikið má sjá hér að neðan.

Hannes segir að málið fari ekki fyrir aga- og úrskurðarnefnd. Í reglugerð segir að nefndin hafi heimild til að beita fjársektum vegna óláta áhorfenda, að hámarki 150 þúsund króna, en einnig sé hægt að svipta viðkomandi heimalið heimaleikjum.

Dómarar leiksins hefðu þurft að leggja fram kæru til að aga- og úrskurðarnefnd tæki málið fyrir, eins og raunin var eftir tvo leiki í 8-liða úrslitunum árið 2019. Þá hlutu Grindavík og Njarðvík 50 þúsund króna sekt hvort félag vegna mála sem bitnuðu á leikmönnum. Stuðningsmaður Njarðvíkur hafði kastað trommukjuða í leikmann ÍR, og stuðningsmaður Grindavíkur kastað klinki í leikmann Stjörnunnar.

Engin refsing verður vegna málsins í Grindavík í gærkvöld en Hannes brýnir fyrir stuðningsmönnum að hvetja sín lið.

„Ég hef sjálfur ekki séð meira en það sem við sáum í sjónvarpinu og það hafa engar aðrar skýrslur borist inn á okkar borð. Það var eftirlitsmaður á leiknum en hann sá ekki nákvæmlega hvað gerðist enda tók þetta mjög stutta stund. Eins og þetta horfir við mér, í sjónvarpinu, þá er sökin beggja. Þetta er kannski eitthvað sem við þurfum að skoða í okkar regluverki, hvernig við getum brugðist við svona,“ segir Hannes.

Grindavík og Stjarnan sendu frá sér sameiginlega yfirlýsingu vegna málsins í dag:

Sýnir hvað ábyrgð stuðningsmanna er mikil

„Það er afskaplega dapurlegt að svona skuli koma til á milli stuðningsmanna liðanna. Stuðningsmenn eiga að styðja sín lið – ekki vera að kýta uppi í stúku og hvað þá að grípa til handalögmála. Við erum að sjálfsögðu á móti öllu slíku. Þegar við erum svo ofan á þetta með harðar sóttvarnareglur þá má svona lagað enn frekar ekki gerast. Þarna var verið að fara á milli hólfa og það er alvarlegt,“ segir Hannes.

Frá og með gærdeginum mega 300 áhorfendur vera í hverju sóttvarnahólfi á íþróttaviðburðum og Hannes vonast til að áhorfendur geti fylgt reglum um að fara ekki á milli hólfa, virða fjarlægðarmörk og nota andlitsgrímur:

„Þetta sýnir hvað ábyrgð stuðningsmanna er mikil. Ég hef reynt að koma þessu á framfæri vegna þeirra sóttvarnareglna sem eru í þjóðfélaginu. Stuðningsmenn félaganna virðast oft vera svo kærulausir þegar kemur að sóttvörnum. Félögunum eru settar mjög strangar reglur af yfirvöldum, gera sitt besta til að fara eftir þeim, en ábyrgð stuðningsmanna er mjög mikil. Þeir verða að bera virðingu fyrir andstæðingnum og eiga að styðja sitt lið. Manni finnst þetta virkilega dapurt.“

Oddaleikur Stjörnunnar og Grindavíkur er í Garðabæ á föstudagskvöld og verður í beinni útsendingu á Stöð 2 Sport.

Domino's-deildirnar í körfubolta eru á Stöð 2 Sport en upplýsingar um útsendingar má finna hér. Domino's-deildin er hluti af Stöð 2 Sport Ísland sem kostar 3.990 krónur á mánuði en einnig má kaupa útsendingar sem stakan viðburð á 990 krónur.