Hólmar Örn og félagar með stórsigur í Sambandsdeildinni

Adam Andersson kom Rosenborg í 1-0 eftir aðeins sjö mínútna leik, áður en Dino Islamovic tvöfaldaði forystuna á 23. mínútu.

Sven Karic varð svo fyrir því óhappi að skora sjálfsmark á 34. mínútu, og staðan því orðin 3-0.

Erlend Dahl Reitan skoraði fjórða mark norska liðsins þegar fimm mínútur voru eftir af fyrri hálfleik, en Enes Alic minnkaði muninn rétt fyrir leikhlé.

Islamovic kom Rosenborg í 5-1 á fyrstu mínútu seinni hálfleiks og Noah Holm innsyglaði öruggan 6-1 sigur Norðmannanna tæpum fimm mínútum fyrir leikslok.

Þetta var fyrri leikur liðanna, en seinni viðurignin fer fram í Slóveníu næstkomandi þriðjudag.