Björn Bjarki tekur við af Gísla Páli hjá SFV

Björn Bjarki tekur við stöðunni af Gísla Páli Pálssyni, forstjóra Grundarheimilanna, sem hefur ákveðið að segja sig frá trúnaðarstörfum fyrir samtökin.

Frá þessu segir í tilkynningu, en Björn Bjarki hefur gegnt varaformennsku í samtökunum. María Fjóla Harðardóttir, forstjóri Hrafnistu, tekur við sem varaformaður stjórnar SFV.

Í Samtökum fyrirtækja í velferðarþjónustu eru hátt í fimmtíu stofnanir, félagasamtök, sjálfseignarstofnanir og einkaaðilar sem starfa á heilbrigðissviði samkvæmt þjónustusamningi eða öðrum greiðslum frá stjórnvöldum, að því er segir í tilkynningunni.