Ó­lýsan­leg adrena­lín til­finning sem er ekki hægt að koma í orð

„Ég ætla ekkert að taka neitt af henni. Þetta var fyrsti leikur Íslands á HM í sögunni, sú stund út af fyrir sig var nógu stór. Að hitta síðan á þetta ótrúlega augnablik í þeim leik er náttúrulega ógleymanlegt og breytti lífi mínu.“

„Það eru samt fleiri stundir sem sitja eftir og gefa manni gæsahúð. Þessar stundir á Laugardalsvellinum, það er í raun það skemmtilegasta sem ég hef gert í lífinu. Það er að vinna þessa leiki fyrir fullum Laugardalsvelli. Það var svo rafmögnuð stemning, okkur gekk svo vel hérna heima. Það var svo mikil tilhlökkun og samstaða í öllum að standa eftir þessa leiki, með sigur, er ólýsanleg adrenalín tilfinning sem er ekki hægt að koma í orð.“

„Var algjörlega galið augnablik.“

„Svo verð ég að nefna Austurríki þar sem við skorum sigurmark í síðustu spyrnu leiksins og komast í 16-liða úrslit á EM. Það var augnablik sem dreams are made of getur maður sagt á góðri ensku.“

„Ég meina, hann er sögulegur en ég hef alltaf sagt að ef ég á að velja augnablik af Evrópumótinu þá er það þetta á Stade de Fance, fyrir framan tíu þúsund Íslendinga og skora sigurmarkið í síðustu spyrnu leiksins og ná þannig markmiðum okkar að komast í 16-liða úrslit. Það var algjörlega galið augnablik og Englandsleikurinn var meira svona – það náði yfir allan leikinn og frábært þegar það var flautað af en þetta var bara eitt augnablik sem var ævintýri líkast.“

Bætti leikjamet Birkis Kristinssonar

„Já, ég verð nú að viðurkenna það. Ég og Birkir erum mjög góðir vinir og það er annar maður sem þjálfaði mig í Fram og hefur líka veitt mér mikinn stuðning og þykir mjög vænt um hann.“

„Hann var fyrirmynd þegar ég var yngri, horfði upp til hans þegar ég var yngri. Hann er fyrirmynd í íslenska markmannsbransanum og átti þetta landsleikjamet fyrir markmenn. Þegar ég sá möguleikann á að ná honum þá var það auðvitað markmið og það tókst á endanum,“ sagði Hannes Þór Halldórsson að lokum.