Tíu árum síðar skoraði annar Guðmundsson fyrir AZ á móti Jablonec

AZ Alkmaar fagnaði sigri á móti tékkneska liðinu Jablonec í Sambandsdeild Evrópu í gær. Eina mark leiksins skoraði íslensku landsliðsmaðurinn Albert Guðmundsson.

Fyrir leikinn rifjaði AZ Alkmaar upp á rúmlega tíu ára gamlan leik á móti sama tékkneska liði.

AZ Alkmaar vann þá 2-0 sigur á Jablonec í forkeppni Evrópudeildarinnar eftir að staðan var markalaus í hálfleik.

Pontus Wernbloom skoraði fyrra markið á 64. mínútu en Jóhann Berg Guðmundsson innsiglaði sigurinn undir lokin. Hann hafði komið inn á sem varamaður eftir fyrra markið.

Myndin með upprifjun AZ var af Jóhanni Berg að skora markið sitt og þar má einnig sjá myndband af markinu sem kom með þrumuskoti af löngu færi.

Svo skemmtilega vildi síðan til að annar Guðmundsson var á skotskónum í leiknum í gær.

Albert var reyndar í byrjunarliðinu en skoraði eina markið á 53. mínútu.

Þetta var annað mark Alberts á leiktíðinni en hann skoraði líka í deildarleik á móti Heracles Almelo 19. september síðastliðinn.