Handbolti

Eyjakonur í góðum málum fyrir seinni leikinn

Hjörtur Leó Guðjónsson skrifar
Harpa Valey Gylfadóttir skoraði sex mörk fyrir ÍBV í dag.
Harpa Valey Gylfadóttir skoraði sex mörk fyrir ÍBV í dag. Vísir/Vilhelm

Kvennalið ÍBV vann öruggan sjö marka sigur er liðið mætti tékkneska liðinu Sokol Pisek í fyrri leik liðanna í 16-liða úrslitum Evrópubikars kvenna í handbolta, 27-20. Leikið var í Vestmannaeyjum, en leikurin taldist þó sem heimaleikur tékkneska liðsins.

Eyjakonur settu tóninn snemma og skoruðu fyrstu fjögur mörk leiksins. Liðið jók forskot sitt lítillega fyrir hálfleik, en staðan var 13-7 þegar gengið var til búningsherbergja, ÍBV í vil.

Nokkuð jafnræði var svo með liðunum í síðari hálfleik, en Eyjakonur hleyptu tékkneska liðinu þó aldrei nálægt sér. ÍBV vann að lokum öruggan sjö marka sigur, 27-20, og er í góðri stöðu fyrir síðari leik liðanna sem fer fram í Vestmannaeyjum á morgun.

Lina Cardell og Harpa Valey Gylfadóttir voru markahæstar í liði ÍBV með sex mörk hvor. Marta Wawrzynkowska átti frábæran leik í marki Eyjaliðsins og varði 167 skot.

Handbolti ÍBV

Mest lesið


Fleiri fréttir

Sjá meira


×

Mest lesið