Samsung kynnir til leiks nýja farsíma og spjaldtölvur

Að því er kemur fram í tilkynningu frá fyrirtækinu býður nýja línan, Samsung Galaxy S22, S22+ og S22 Ultra, upp á snjöllustu myndavél Samsung til þessa. 

Myndavélin er útbúin nýrri gervigreindartækni og sérstökum næturstillingum til að tryggja góð myndgæði. Aðalmyndavélin á Galaxy S22 og S22+ eru 50 megapixlar en á S22 Ultra er myndavélin 108 megapixlar.

„Með því að deila myndum og myndböndum öðlumst við tækifæri til að tjá okkur og mynda sambönd við annað fólk. Þess vegna lögðum við áherslu á að hanna nýjustu S línu okkar með hátæknivæddum myndavélum sem hægt er að nota á nóttu sem degi og er með bestu fáanlegu tækni,“ segir Claus Holm, forstjóri Samsung í Danmörku.

„Við hjá Samsung erum stöðugt að reyna að hækka mörkin á úrvalstækjum okkar. Galaxy S22 Ultra býr yfir virkni Galaxy Note og lykilþáttum S-línunnar og sameinar þá í einstakri snjallsímaupplifun. Þetta er stökk í átt að farsímatækni framtíðarinnar og setur ný viðmið fyrir snjallsíma almennt,“ segir hann enn fremur.

Fjölhæfasta spjaldtölva fyrirtækisins til þessa

Samsung kynnti sömuleiðis til leiks nýjan flokk spjaldtölva í dag, Galaxy Tab S8, S8+ og S8 Ultra, en að því að kemur fram í tilkynningunni er um að ræða fjölhæfustu spjaldtölvur fyrirtækisins til þessa.

Í nýju línunni er að finna bætta upptökutækni með auk þess sem vinnslugeta hefur verið betrumbætt og er hægt að vinna í mörgum forritum samtímis. Þá hefur skjárinn verið stækkaður.

„Einn mikilvægasti eiginleiki spjaldtölvunnar er skjárinn. Eftir margra ára nýsköpun í farsímaupplifun vildum við færa mörk þess sem hægt er með spjaldtölvu,“ segir Claus Holm.

Nýju farsímarnir og spjaldtölvurnar eru búnar til úr Armor Aluminom áli sem er þynnri, léttari og sterkari en í fyrri línum, eru búnar Knox Vault öryggisbúnaði, og hafa endingarbetri rafhlöðu samkvæmt tilkynningunni. Nýju Galaxy S22 og Galaxy Tab S8 línurnar verða studdar af allt að fjórum kynslóðum af Android OS uppfærslum.

Nýju línurnar verða fáanlegar frá 25. Febrúar hjá völdum smásöluaðilum og á Samsung.com. Leiðbeinandi verð á Galaxy S22 línunni er allt frá 159.995 til 259.995 krónur og fyrir Galaxy Tab S8 er leiðbeinandi verð á bilinu 169.995 til 219.995 krónur.

Nánari upplýsingar um nýju línurnar má finna hér.