Flottar fermingargjafir í unglingaherbergið

„Húsgögn eru alltaf vinsæl til fermingargjafa og við erum til dæmis með úrval skrifborðsstóla og skrifborða í unglingaherbergi. Tölvuleikjamenningin hefur vaxið mikið síðustu ár og við eigum gott úrval af leikjastólum og leikjaborðum með ledljósum sem höfða vel til unglinganna og koma vel út í herberginu. Krakkarnir eyða oft drjúgum tíma við tölvuna og þá skiptir máli að það fari vel um þau í góðum stól og hafa rétta borðið.

Þá er algengt að krakkar fái nýtt rúm í fermingargjöf og við verðum með frábær fermingartilboð á flottum rúmum. Beautysleep og SleepWell rúmin hafa notið mikilla vinsælda undanfarin ár en þetta eru gæða rúm sem krakkarnir sofa vel á. Við höfum sett saman sérstaka pakka þar sem dýna, sæng, lak og koddi fylgja ásamt sængurverasetti,“ segir Björgvin.

Rúmfatalagerinn býður upp á eitt mesta úrval landsins af vönduðum og góðum dúnsængum sem tilvaldar eru í fermingarpakkann enda eiguleg og góð gjöf. Einnig er hægt að fá hágæða heilsukodda ásamt vönduðum dúnkoddum í pakkana líka. Þá eigum við einnig allt utan um sængina og koddann en úrvalið af sængurverasettum hjá okkur er fjölbreytt.

„HÖIE sængurverasettin eru til dæmis gæða sængurver sem fást í mjög mörgum skemmtilegum litum. Þá er líka vinsælt að gefa fallegt rúmteppi og púða í fermingargjöf og það er skemmtilegt að sjá hvað krakkar í dag spá mikið í smávörum og heimilismunum í herbergið sitt. Þeim finnst gaman að gera fínt í kringum sig og hafa skoðanir á því hvað þau hafa inni hjá sér. Úrval af nýrri smávöru í fallegum og vorlegum litum sem er tilvalin til að lífga upp á herbergi fermingarbarnsins, en margir fá slíka yfirhalningu á sínum herbergjum í tilefni fermingarinnar,“ segir Björgvin.