Fótbolti

Van Gaal segir algjört kjaftæði að halda HM í Katar og það snúist bara um peninga

Ingvi Þór Sæmundsson skrifar
Louis van Gaal liggur vanalega ekki á skoðunum sínum.
Louis van Gaal liggur vanalega ekki á skoðunum sínum. getty/Eric Verhoeven

Louis van Gaal, þjálfari hollenska karlalandsliðsins í fótbolta, talaði hreint út er hann var spurður út í HM í Katar á blaðamannafundi í gær. Hann sagði fáránlegt að halda HM þar í landi og að það væri algjört kjaftæði að ástæðan fyrir því væri að þróa katarskan fótbolta.

Holland er á leið á HM í Katar sem verður haldið í nóvember og desember á þessu ári. Van Gaal er samt algjörlega mótfallinn því að heimsmeistaramótið sé haldið þar í landi.

„Allir vita að mér finnst fáránlegt að HM sé haldið þarna. Að við spilum þarna til að hjálpa fótboltanum í Katar að þróast? Það er kjaftæði. Þetta snýst um peninga. Það skiptir máli fyrir FIFA,“ sagði Van Gaal.

„Af hverju haldiði að ég sé ekki í nefnd með mína reynslu og þekkingu? Ég hef alltaf verið mótfallinn svona stofnunum. Þetta er ekki rétt. Ég gat sagt það í Katar en andstaða mín hjálpar ekki til að útrýma vandamálinu.“

Þúsundir verkamanna hafa látist við uppbyggingu leikvanga í aðdraganda HM og réttindi þeirra eru virt að vettugi. Þá er staða mannréttinda í Katar vægast sagt slæm.

Holland mætir Danmörku og Þýskalandi í tveimur vináttulandsleikjum í lok mánaðarins.

HM 2022 í Katar Hollenski boltinn

Mest lesið


Fleiri fréttir

Sjá meira


×

Mest lesið