„Skrýtnasta dómgæsla sem ég hef séð“ Sindri Sverrisson skrifar 17. maí 2022 11:59 Árbæingar fóru ósáttir af Skallagrímsvelli í gærkvöld. Eiður Snær Unnarsson, leikmaður liðsins, fór meiddur af velli eftir korters leik eftir olnbogaskot. wikimapia.org/@fcarbaer Forráðamenn knattspyrnuliðsins FC Árbæjar ætla að leita réttar síns hjá KSÍ eftir að hafa komist að því að dómari í fyrsta leik þeirra í 4. deildinni í sumar, gegn Skallagrími í Borgarnesi í gærkvöld, hefur leikið með Skallagrími síðustu ár. Dómarinn Davíð Guðmundsson hefur verið skráður í Skallagrím síðustu ár og spilaði í fyrrasumar fjóra leiki fyrir liðið. Hann var svo dómari í 4-2 sigri Skallagríms gegn FC Árbæ í 4. deild í gær. Leikmenn Árbæjar segja dómgæsluna í leiknum hafa verið hreinasta fíaskó og félagið óskar eftir því að verða dæmdur 3-0 sigur eða að leikurinn verði endurtekinn. „Dómarinn missti tökin strax í upphafi leiks. Við komum þarna til að fá þrjú stig og komumst yfir á 6. mínútu en svo byrjuðu þessar skrýtnu ákvarðanir hjá dómaranum. Hann gat aldrei tekið ákvörðun og staðið með henni, heldur breytti í hitt og þetta. Þetta var mjög óvanalegt og maður sá að gæinn var ekki tilbúinn í þetta. Svo frétti maður að þetta væri leikmaður Skallagríms og þá fannst manni þetta alveg fáránlegt,“ sagði Pape Mamadou Faye, reynslumesti leikmaður Árbæjar. Pape Mamadou Faye segist á löngum ferli aldrei hafa kynnst annarri eins dómgæslu. Hann segir þátt KSÍ í málinu sérstaklega gagnrýniverðan. Fréttu þetta í hálfleik frá leikmönnum Skallagríms Pape segist á löngum ferli í íslenska boltanum aldrei hafa kynnst öðru eins. Það hafi farið illa í menn að komast að því í leiknum að dómarinn væri Skallagrímsmaður: „Við fréttum þetta í hálfleik held ég, frá leikmönnum Skallagríms. Þeir sögðu bara „já, þetta er einn af okkar mönnum.“ Bíddu, ha? Er maður sem er héðan og klæðist þessum búningi að dæma þennan leik? Ég ætla samt ekkert að setja út á úrslitin, þeir áttu fullkomlega skilið að vinna þennan leik, en dómarinn missti tökin strax í byrjun.“ Dómarastjóri KSÍ: Mistök sem við hörmum Magnús Már Jónsson, dómarastjóri KSÍ, segir að því miður geti það gerst að „heimamenn“ dæmi leiki í neðri deildum á Íslandi, hvort sem það sé sem aðstoðar- eða aðaldómarar. Það gerist helst í dreifðari byggðum landsins þar sem skortur sé á dómurum, til að forðast að kostnaður við dómgæslu hlaupi á hundruðum þúsunda króna. „En í þessu tilviki eru þetta mistök sem við hörmum að sjálfsögðu. Við hefðum í þessu tilviki getað mannað leikinn með öðrum dómara. Við höfðum ekki hugmynd um að hann væri tengdur Skallagrími á þennan hátt,“ segir Magnús. „Við erum að raða í 2-300 störf í hverri einustu viku yfir sumartímann og á neðsta stigi getur þetta alveg gerst. Við megum ekki missa kostnaðinn alveg úr böndunum. Við reynum að koma í veg fyrir þetta en stundum er það ekki hægt,“ segir Magnús. FC Árbær hóf leiktíðina í 4. deild í Borgarnesi og spilar næst gegn Herði á Ísafirði á laugardaginn.FC Árbær Pape ítrekar að Skallagrímur hafi átt skilið að vinna en dómgæslan hafi engu að síður verið í hæsta máta óvenjuleg: „Ég var til dæmis sloppinn einn í gegn í seinni hálfleik, í stöðunni 3-2, þegar brotið var á mér. Það er auðvitað rautt spjald þar sem þetta var aftasti varnarmaður en dómarinn gat einhvern veginn aldrei tekið ákvörðun sjálfur. Það fannst mér svolítið skrýtið. Ég vil samt ekki gagnrýna hann of mikið. Sökin er fyrst og fremst KSÍ að láta mann sem skráður er í félagið fá flautuna. Það er eitthvað mikið að þegar svo er,“ segir Pape. Þakkir til aðstoðardómaranna fyrir að taka nokkrar mínútur í að sannfæra aðaldómara um að breyta vítaspyrnu fyrir Skallagrím yfir í verðskuldaða aukaspyrnu fyrir okkur eftir olnbogaskot í andlitið. Meira tjáum við okkur ekkium dómgæsluna í leiknum í bili. Málið er í vinnslu https://t.co/OcvEZo3I7R pic.twitter.com/Sxs1UcChhz— FC Árbær (@fcarbaer) May 17, 2022 Þá voru Árbæingar ósáttir við að missa Eið Snæ Unnarsson meiddan af velli snemma leiks, þegar dómarinn hugðist dæma á hann víti, en Pape sem lék sinn fyrsta meistaraflokksleik árið 2007 segist aldrei hafa séð annað eins: „Gæinn er með boltann úti við horn og gefur honum olnbogaskot. Dómarinn dæmir ekki neitt og svo eru þeir eitthvað að kljást inni í teig, og einhvern veginn dæmir hann eitthvað sem er alls ekkert vit í. Víti. Það fóru allir að mótmæla. Þetta var skrýtnasta dómgæsla sem ég hef séð. Hann sá svo manninn liggjandi þarna, illa farinn í smettinu, og fór þá í að breyta sinni ákvörðun. Heilt yfir sá maður það strax í upphafi að þetta væri ekki rétti maðurinn til að dæma þennan leik.“ Fótbolti Íslenski boltinn Skallagrímur Mest lesið Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport „Ein besta markvarsla sem ég hef séð“ Fótbolti Slæm byrjun Vals hélt áfram í Garðabænum Handbolti Segir Leipzig hinn fullkomna áfangastað fyrir unga og efnilega leikmenn Fótbolti Guðmundur miður sín eftir stórtap: „Eitt það versta sem ég hef upplifað lengi“ Handbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Elín Klara og Sara Sif sáu um Stjörnuna Handbolti Sjáðu ótrúlega vörslu Raya og öll mörkin úr Meistaradeildinni Fótbolti Fleiri fréttir Seinna spjaldið var ekki viljandi: „Er bara pirraður og missi hausinn“ Uppgjörið: Afturelding - Fjölnir 3-1 | Brenndu víti en tóku tveggja marka forystu Húbba Búbba kippt af dagskrá: „Það eina sem ég spila í Víkinni er fótbolti“ Eftirsjá Gary Martin: „Mín skoðun, fólk mun ekki vera sammála henni“ Utan vallar: Total-fótboltamaðurinn sem rétti Blikakúrsinn „Ég á Íslandi líf mitt að þakka“ Stúkan: „Sama hvað hann gerir ekki gefa honum gult spjald“ Keflavík í góðri stöðu „Mér finnst að allar þessar krúsídúllur eigi að bíða“ Þóra vonar að Tinna finni sér annað lið: „Kæmi mér á óvart ef það yrði ekki slegist um hana“ Flestir mæta á heimaleiki Blika Sjáðu heimsókn Nabblans á Meistaravelli Svona raðast leikirnir í Bestu deild karla Björn Daníel brattur: „Ætli þetta sé ekki hrörnun vöðvanna sökum aldurs?“ Sjáðu mörkin úr stórsigrum Vals og Víkings Rifjuðu upp þegar Gummi spurði strákana eftir tvær umferðir hvort KR gæti orðið meistari Lárus Orri ekki enn búinn að fyrirgefa Graham Potter: „Hann var svolítið linur“ Rúnar Páll: Fáránlega mikið af mörkum á okkur sem boðar ekki gott Aron: Að það þurfi tæklingu til þess að kveikja á liðinu finnst mér lélegt „Þetta er fokking Valur-KR og ef menn fá ekki að kljást í þeim leik þá er eitthvað að“ Arnar: Hleyptum þeim sjaldan úr skotgröfunum Uppgjörið: Valur - KR 4-1 | Valsarar sleppa ekki takinu á Vesturbæingum Uppgjörið: Fylkir - Víkingur- 0-6 | Miskunnarlausir Víkingar á toppnum Laus við veikindin og klár í slaginn Sjáðu markaflóðið úr Bestu deild karla í gær „Það er ekki öllum sem finnst þetta skemmtilegt“ „Gífurlega svekkjandi augnablik“ „Held það vilji það allir sem fylgjast með boltanum“ Uppgjörið: Breiðablik - HK 5-3 | Blikar völtuðu yfir nágrannana í síðari hálfleik Heimir: Þetta víti var brandari Sjá meira
Dómarinn Davíð Guðmundsson hefur verið skráður í Skallagrím síðustu ár og spilaði í fyrrasumar fjóra leiki fyrir liðið. Hann var svo dómari í 4-2 sigri Skallagríms gegn FC Árbæ í 4. deild í gær. Leikmenn Árbæjar segja dómgæsluna í leiknum hafa verið hreinasta fíaskó og félagið óskar eftir því að verða dæmdur 3-0 sigur eða að leikurinn verði endurtekinn. „Dómarinn missti tökin strax í upphafi leiks. Við komum þarna til að fá þrjú stig og komumst yfir á 6. mínútu en svo byrjuðu þessar skrýtnu ákvarðanir hjá dómaranum. Hann gat aldrei tekið ákvörðun og staðið með henni, heldur breytti í hitt og þetta. Þetta var mjög óvanalegt og maður sá að gæinn var ekki tilbúinn í þetta. Svo frétti maður að þetta væri leikmaður Skallagríms og þá fannst manni þetta alveg fáránlegt,“ sagði Pape Mamadou Faye, reynslumesti leikmaður Árbæjar. Pape Mamadou Faye segist á löngum ferli aldrei hafa kynnst annarri eins dómgæslu. Hann segir þátt KSÍ í málinu sérstaklega gagnrýniverðan. Fréttu þetta í hálfleik frá leikmönnum Skallagríms Pape segist á löngum ferli í íslenska boltanum aldrei hafa kynnst öðru eins. Það hafi farið illa í menn að komast að því í leiknum að dómarinn væri Skallagrímsmaður: „Við fréttum þetta í hálfleik held ég, frá leikmönnum Skallagríms. Þeir sögðu bara „já, þetta er einn af okkar mönnum.“ Bíddu, ha? Er maður sem er héðan og klæðist þessum búningi að dæma þennan leik? Ég ætla samt ekkert að setja út á úrslitin, þeir áttu fullkomlega skilið að vinna þennan leik, en dómarinn missti tökin strax í byrjun.“ Dómarastjóri KSÍ: Mistök sem við hörmum Magnús Már Jónsson, dómarastjóri KSÍ, segir að því miður geti það gerst að „heimamenn“ dæmi leiki í neðri deildum á Íslandi, hvort sem það sé sem aðstoðar- eða aðaldómarar. Það gerist helst í dreifðari byggðum landsins þar sem skortur sé á dómurum, til að forðast að kostnaður við dómgæslu hlaupi á hundruðum þúsunda króna. „En í þessu tilviki eru þetta mistök sem við hörmum að sjálfsögðu. Við hefðum í þessu tilviki getað mannað leikinn með öðrum dómara. Við höfðum ekki hugmynd um að hann væri tengdur Skallagrími á þennan hátt,“ segir Magnús. „Við erum að raða í 2-300 störf í hverri einustu viku yfir sumartímann og á neðsta stigi getur þetta alveg gerst. Við megum ekki missa kostnaðinn alveg úr böndunum. Við reynum að koma í veg fyrir þetta en stundum er það ekki hægt,“ segir Magnús. FC Árbær hóf leiktíðina í 4. deild í Borgarnesi og spilar næst gegn Herði á Ísafirði á laugardaginn.FC Árbær Pape ítrekar að Skallagrímur hafi átt skilið að vinna en dómgæslan hafi engu að síður verið í hæsta máta óvenjuleg: „Ég var til dæmis sloppinn einn í gegn í seinni hálfleik, í stöðunni 3-2, þegar brotið var á mér. Það er auðvitað rautt spjald þar sem þetta var aftasti varnarmaður en dómarinn gat einhvern veginn aldrei tekið ákvörðun sjálfur. Það fannst mér svolítið skrýtið. Ég vil samt ekki gagnrýna hann of mikið. Sökin er fyrst og fremst KSÍ að láta mann sem skráður er í félagið fá flautuna. Það er eitthvað mikið að þegar svo er,“ segir Pape. Þakkir til aðstoðardómaranna fyrir að taka nokkrar mínútur í að sannfæra aðaldómara um að breyta vítaspyrnu fyrir Skallagrím yfir í verðskuldaða aukaspyrnu fyrir okkur eftir olnbogaskot í andlitið. Meira tjáum við okkur ekkium dómgæsluna í leiknum í bili. Málið er í vinnslu https://t.co/OcvEZo3I7R pic.twitter.com/Sxs1UcChhz— FC Árbær (@fcarbaer) May 17, 2022 Þá voru Árbæingar ósáttir við að missa Eið Snæ Unnarsson meiddan af velli snemma leiks, þegar dómarinn hugðist dæma á hann víti, en Pape sem lék sinn fyrsta meistaraflokksleik árið 2007 segist aldrei hafa séð annað eins: „Gæinn er með boltann úti við horn og gefur honum olnbogaskot. Dómarinn dæmir ekki neitt og svo eru þeir eitthvað að kljást inni í teig, og einhvern veginn dæmir hann eitthvað sem er alls ekkert vit í. Víti. Það fóru allir að mótmæla. Þetta var skrýtnasta dómgæsla sem ég hef séð. Hann sá svo manninn liggjandi þarna, illa farinn í smettinu, og fór þá í að breyta sinni ákvörðun. Heilt yfir sá maður það strax í upphafi að þetta væri ekki rétti maðurinn til að dæma þennan leik.“
Fótbolti Íslenski boltinn Skallagrímur Mest lesið Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport „Ein besta markvarsla sem ég hef séð“ Fótbolti Slæm byrjun Vals hélt áfram í Garðabænum Handbolti Segir Leipzig hinn fullkomna áfangastað fyrir unga og efnilega leikmenn Fótbolti Guðmundur miður sín eftir stórtap: „Eitt það versta sem ég hef upplifað lengi“ Handbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Elín Klara og Sara Sif sáu um Stjörnuna Handbolti Sjáðu ótrúlega vörslu Raya og öll mörkin úr Meistaradeildinni Fótbolti Fleiri fréttir Seinna spjaldið var ekki viljandi: „Er bara pirraður og missi hausinn“ Uppgjörið: Afturelding - Fjölnir 3-1 | Brenndu víti en tóku tveggja marka forystu Húbba Búbba kippt af dagskrá: „Það eina sem ég spila í Víkinni er fótbolti“ Eftirsjá Gary Martin: „Mín skoðun, fólk mun ekki vera sammála henni“ Utan vallar: Total-fótboltamaðurinn sem rétti Blikakúrsinn „Ég á Íslandi líf mitt að þakka“ Stúkan: „Sama hvað hann gerir ekki gefa honum gult spjald“ Keflavík í góðri stöðu „Mér finnst að allar þessar krúsídúllur eigi að bíða“ Þóra vonar að Tinna finni sér annað lið: „Kæmi mér á óvart ef það yrði ekki slegist um hana“ Flestir mæta á heimaleiki Blika Sjáðu heimsókn Nabblans á Meistaravelli Svona raðast leikirnir í Bestu deild karla Björn Daníel brattur: „Ætli þetta sé ekki hrörnun vöðvanna sökum aldurs?“ Sjáðu mörkin úr stórsigrum Vals og Víkings Rifjuðu upp þegar Gummi spurði strákana eftir tvær umferðir hvort KR gæti orðið meistari Lárus Orri ekki enn búinn að fyrirgefa Graham Potter: „Hann var svolítið linur“ Rúnar Páll: Fáránlega mikið af mörkum á okkur sem boðar ekki gott Aron: Að það þurfi tæklingu til þess að kveikja á liðinu finnst mér lélegt „Þetta er fokking Valur-KR og ef menn fá ekki að kljást í þeim leik þá er eitthvað að“ Arnar: Hleyptum þeim sjaldan úr skotgröfunum Uppgjörið: Valur - KR 4-1 | Valsarar sleppa ekki takinu á Vesturbæingum Uppgjörið: Fylkir - Víkingur- 0-6 | Miskunnarlausir Víkingar á toppnum Laus við veikindin og klár í slaginn Sjáðu markaflóðið úr Bestu deild karla í gær „Það er ekki öllum sem finnst þetta skemmtilegt“ „Gífurlega svekkjandi augnablik“ „Held það vilji það allir sem fylgjast með boltanum“ Uppgjörið: Breiðablik - HK 5-3 | Blikar völtuðu yfir nágrannana í síðari hálfleik Heimir: Þetta víti var brandari Sjá meira