Fótbolti

Hjörtur að jafna sig eftir að­gerð

Runólfur Trausti Þórhallsson skrifar
Hjörtur Hermannsson er að jafna sig eftir aðgerð.
Hjörtur Hermannsson er að jafna sig eftir aðgerð. Gabriele Masotti/Getty Images

Hjörtur Hermannsson, leikmaður Pisa á Ítalíu, er ekki hluti af landsliði Íslands sem leikur fjóra leiki í júní. Hann er að jafna sig eftir aðgerð sem hann gekkst undir um helgina.

Hjörtur var að klára sitt fyrsta tímabil á Ítalíu þar sem Pisa var hársbreidd frá því að komast upp í Serie A, ítölsku úrvalsdeildina. Liðið tapaði samtals 6-4 fyrir Monza í umspili um sæti í efstu deild. Hjörtur skoraði eitt marka Pisa í einvíginu.

Ljóst er að Hjörtur lék lokakafla tímabilsins meiddur og gekkst undir aðgerð nýverið. Frá þessu greindi leikmaðurinn sjálfur á Instagram-síðu sinni en kemur fram um hvurslags meiðsli er að ræða.

Hinn 27 ára gamli Hjörtur á að baki 25 leiki fyrir íslenska A-landsliðið.

Fótbolti Ítalski boltinn

Mest lesið


Fleiri fréttir

Sjá meira


×

Mest lesið