Ísland stendur í stað á heimslistanum

Ísland hefur ekki spilað landsleik frá því að síðasti listi var gefinn út þann 23. júní og fáar tilfærslur eru á listanum þar sem fáir landsleikir hafa verið leiknir í sumar.

Ísland stendur í stað í 63. sæti listans og er á milli Jamaíku, sem er í 62. sæti, og Norður-Makedóníu sem er í því 64.

Danmörk er efst Norðurlandanna á listanum í 10. sæti, Svíþjóð kemur næst í því tuttugasta, Noregur er í 36. sæti, Finnland í 59. sæti og þá eru Færeyjar í 125. sæti.

Brasilía er efst á listanum og Belgía í öðru sæti. Argentína er í þriðja og Frakkland í fjórða. Efstu 15 liðin, auk þeirra liða sem eru í kringum Ísland má sjá að neðan.