Dortmund jafnaði á síðustu stundu gegn Bayern

Leon Goretzka og Leroy Sané komu gestunum frá München 2-0 yfir með mörkum sínum sitt hvoru megin við hálfleikinn. 

Heimamenn lögðu hins vegar ekki árar í bát og Youssoufa Moukoko minnkaði muninn þegar rúmur stundarfjórðungur var eftir af leiknum. 

Kingsley Coman, sem kom inná sem varamaður hjá Bayern München, átti ekki góða innkomu en hann fékk sitt annað gula spjald og þar með rautt undir lok leiksins. 

Það var aftur á móti öllu betri framlagið sem Anthony Modeste kom með inn af varamannabekknum hjá Borussia Dortmund. 

Modeste nældi í stig fyrir heimamenn með dramatísku jöfnunarmarki í uppbótartíma leiksins. 

Eftir þessi úrslit hafa liðin hvort um sig 16 stig í þriðja til fjórða sæti deildarinnar. Union Berlin og Freiburg eru jöfn á toppnum með 17 stig en liðin eiga leik til góða á Bayern og Dortmund.