Sagðist ekki hafa sofið hjá andstæðingi sínum fyrir bardaga þeirra

Shields sigraði Marshall á stigum í titilbardaga í millivigt á risastóru bardagakvöldi í O2 höllinni í London á laugardaginn. Hún hefur unnið alla þrettán bardaga sína á ferlinum.

Áður en þær Shields og Marshall mættust í hringnum voru þær gestir þáttarins The Gloves Are Off á Sky Sports. Þar sagði Shields ekkert hæft í því að hún hefði sofið hjá Marshall fyrir bardagann.

„Það að við höfum stundað kynlíf kom okkur á þennan stað,“ sagði Marshall í þættinum. Mjög svo undrandi Shields þvertók fyrir þetta en Marshall gaf sig ekki.

„Að ég hafi bara veitt þér athygli,“ sagði Shields. „Ertu að grínast? Þú ert búin að tapa þér. Þú misstir alla sjálfsstjórn,“ svaraði Marshall í þessari undarlegu senu.

Tapið á laugardaginn var það fyrsta á ferli Marshalls sem atvinnumaður. Þær áttu að mætast 10. september en bardaganum var frestað um mánuð vegna andláts Elísabetar II Englandsdrottningar.