Atlético Madrid upp í þriðja sæti

Markalaust var að loknum fyrri hálfleik, en heimamenn í Real Betis virtust hafa tekið forystuna snemma í síðari hálfleik þegar Luiz Henrique kom boltanum í netið. Eftir skoðun myndbandsdómara var markið þó tekið af vegna ragnstöðu.

Það var svo Antoine Greizmann sem kom gestunum í Atlético Madrid í forystu með marki á 54. mínútu og hann var aftur á ferðinni stundarfjórðungi síðar þegar hann tvöfaldaði forskot gestanna.

Nabil Fekir minnkaði muninn fyrir heimamenn þegar rúmar fimm mínútur voru til leiksloka, en nær koust þeir ekki og niðurstaðan því 1-2 sigur Atlético Madrid.

Atlético Madrid situr nú í þriðja sæti spænsku úrvasldeildarinnar með 23 stig eftir 11 leiki, átta stigum á eftir nágrönnum sínum í Real Madrid sem tróna á toppnum. Real Betis situr hins vegar í fimmta sæti með 20 stig.