Dag­skráin í dag: Stór­leikir á Eng­landi, Ítalíu og Hlíðar­enda á­samt NBA og undan­úr­slitum NFL

Stöð 2 Sport

Klukkan 18.05 hefst útsending úr Smáranum þar sem Breiðablik tekur á móti Fjölni í Subway deild kvenna í körfubolta. Að þeim leik loknum höldum við á Hlíðarenda þar sem Valur tekur á móti toppliði Keflavíkur.

Stöð 2 Sport 2

Klukkan 13.00 hefst upphitun fyrir leiki dagsins í ensku bikarkeppninni í fótbolta, þeirri elstu og virtustu. Leikur Brighton & Hove Albion og Liverpool hefst klukkan 13.30. Að leik loknum verður leikurinn gerður upp. Klukkan 16.30 er svo komið að leik Wrexham og Sheffield United í sömu keppni.

Klukkan 19.30 hefst upphitun fyrir leiki kvöldsins í NFL en eftir að þeim lýkur verður ljóst hvaða lið mætast í Ofurskálinni þann 12. febrúar. Fyrri leikur kvöldsins hefst klukkan 20.00 en þar mætast Philadelphia Eagles og San Francisco 49ers.

Klukkan 23.35 er leikur Kansas City Chiefs og Cincinnati Bengals svo á dagskrá.

Stöð 2 Sport 3

AC Milan tekur á móti hinu stórskemmtilega liði Sassuolo í Serie A, ítölsku úrvalsdeildinni í fótbolta. Leikurinn hefst klukkan 11.30. Juventus tekur svo á móti Monza klukkan 14.00 í sömu deild. Klukkan 17.00 er komið að leik Lazio og Fiorentina. Topplið Napoli tekur á móti Rómverjum klukkan 19.35.

Stöð 2 Sport 4

Stórlið Real Madríd sækir BAXI Manresa heim í ACB deildinni í körfubolta á Spáni klukkan 11.30.

Klukkan 13.50 tekur Stoke City á móti Stevenage í ensku bikarkeppninni.

Klukkan 18.00 er leikur Charlotte Hornets og Miami Heat í NBA deildinni í körfubolta á dagskrá.

Stöð 2 Esport

Klukkan 13.30 hefst upphitun fyrir leiki dagsins í BLAST Premier. Klukkan 14.00 er fyrri leikur dagsins á dagskrá. Klukkan 17.30 er seinni leikur dagsins á dagskrá.

Sandkassinn er svo á dagskrá klukkan 20.00.