Hyggjast heilla Harvard um helgina: „Vonumst til að fá fleiri íslenska leikmenn“ Hjörtur Leó Guðjónsson og Valur Páll Eiríksson skrifa 4. febrúar 2023 09:01 Mark McDevitt, þjálfari kvennaliðs Harvard-háskóla. Vísir/Arnar Íslenska fyrirtækið Soccer & Education stendur að sérstökum sýningarleik um helgina þar sem íslenskt knattspyrnufólk fær tækifæri til að sýna listir sínar fyrir þjálfurum bandarískra háskólaliða. Þjálfarar frá Boston College og Harvard fara fögrum orðum um íslenska leikmenn. Soccer & Education USA var stofnað árið 2015 og hefur hjálpað fjölda Íslendinga að finna sér háskólastyrk vestanhafs í gegnum fótboltann. Viðburðir sem þessi í Miðgarði í Garðabæ um helgina hjálpar þar mikið til. En hversu mörgum er búist við á staðnum? „Við erum að reikna með að þetta verði svona í kringum 120 leikmenn, stelpur og strákar,“ sagði Brynjar Benediktsson, stofnandi og framkvæmdastjóri fyrirtækisins, í Sportpakkanum í gær. Klippa: Íslendingar fengið styrkfé upp á fimm milljarða „Varðandi þjálfarana, þá er það fyndna við það að þeir eru enn að bóka sig. Það er náttúrulega svo auðvelt að fljúga hingað frá Boston og New York. En við erum að vona að þetta verði í kringum 40-50 þjálfarar sem horfa um helgina.“ „En síðan tökum við þetta upp með fjórum myndavélum og sendum þetta síðan út, unnið eins og leik í Bestu-deildinni, til Bandaríkjanna. Þannig að verða fullt af augum að horfa á krakkana um helgina.“ Brynjar Benediktsson lék sjálfur með Clemson University í Bandaríkjunum og aðstoðar nú unga leikmenn að fá skólastyrki þar í landi.Vísir/Arnar Aðspurður að því hversu margir krakkar hafi farið út á styrkjum í gegnum fyrirtækið segir Brynjar: „Í kringum 450 leikmenn sem við höfum aðstoðað og það er náttúrulega að vaxa á hverju ári. Í fyrra fór 71 leikmaður og styrkirnir í kringum fimm milljarða hjá þessum leikmönnum. Og ég held að á næsta ári fari enn fleiri út þannig það er bara skemmtilegt.“ segir Brynjar. Harvard vill fleiri Íslendinga vegna árangurs Mundu og Hildar Þjálfarar hjá bæði Boston College og Harvard eru komnir til landsins að fylgjast með leikmönnum um helgina og eru á meðal yfir 40 þjálfara hjá bandarískum háskólum sem verða í Miðgarði um helgina. „Þessi viðburður hefur nýst okkur afar vel. Við höfum haft þrjá framúrskarandi leikmenn hjá Boston College á undanförum sjö til átta árum; Heiðar Ægisson, Stefán Ingi Sigurðarson og Kristófer Konráðsson, sem hafa allir leikið hér á Íslandi eftir útskrift,“ segir Bob Thompson, þjálfari karlaliðs Boston College. Heiðar og Kristófer eru báðir uppaldir hjá Stjörnunni en Heiðar lék með Val í Bestu-deild karla síðasta sumar, Kristófer lék með Leikni síðari hluta sumars er Breiðhyltingar féllu. Stefán Ingi er uppalinn hjá Breiðabliki en lék stórvel á láni hjá HK er liðið fór upp úr Lengjudeildinni síðasta sumar. Bob Thompson, þjálfari karlaliðs Boston College.Vísir/Arnar „Þetta hefur því haft mikið að segja. Allir þrír leikmenn voru leiðtogar í liðum okkar og höfðu sérstaka hæfileika,“ segir Thompson. Mark McDevitt, þjálfari kvennaliðs Harvard, þjálfar þar bæði Áslaugu Mundu Gunnlaugsdóttur og Hildi Þóru Hákonardóttur. Fleiri íslenskir leikmenn eru svo á leiðinni í skólann. „Þetta hefur skilað okkur miklu. Áslaug [Munda Gunnlaugsdóttir] og Hildur [Þóra Hákonardóttir] eru hjá okkur núna. Þær hafa verið magnaðar á vellinum og mjög góðar í kennslustofunni. Árangur þeirra hefur leitt til þess að fleiri eru á leið til okkar og við vonumst til að fá fleiri íslenska leikmenn þegar fram líða stundir,“ segir McDevitt. Þær Áslaug og Hildur eru báðar leikmenn Breiðabliks en sú fyrrnefnda er einnig fastakona í íslenska landsliðshópnum. Mark McDevitt, þjálfari kvennaliðs Harvard-háskóla.Vísir/Arnar Ekkert land skilað eins miklu af sér til starfsins En hvað er það sem aðskilur íslenska leikmenn frá öðrum? „Ég tel að íslensku leikmennirnir okkar hafi skilað okkur mun meiru en leikmenn frá öðrum löndum á síðustu sjö árum. Ég held að ástæðan sé hugarfar þeirra. Þeir eru hæfileikaríkir en þeir hafa sýnt fagmennsku þegar þeir koma hingað, verið góðir liðsfélagar og miklir leiðtogar. Persónuleiki leikmanna sem hafa komið hingað hefur verið sérstakur,“ segir Thompson. „Þau eru mjög vinnusöm og eru viljug til að bæta sig. Svo er skólakerfið hér mjög gott, enskukunnáttan er góð og þau stefna einbeitt að því að ná árangri - bæði innan vallar og í skólastofunni,“ segir McDevitt sem var þá spurður um hvort hann og Harvard muni einblína enn frekar á Ísland í framtíðinni? „Já, vonandi. Reynslan hingað til er góð,“ segir McDevitt. Fótbolti Háskólar Bandaríkin Mest lesið Sögðu danskri landsliðskonu að fara heim að vaska upp Fótbolti Írskur smáklúbbur græðir meira en hálfan milljarð þökk sé Liverpool Enski boltinn „Reynt að halda væntingum niðri og ég spyr mig af hverju?“ Fótbolti Klessti á Ronaldo í hjólastólnum sínum Fótbolti Mbuemo fer fram á fimmfalt hærri laun Enski boltinn Rio Ferdinand: Ég er skotskífa vegna gengis Man United Enski boltinn Margir leikmenn á förum frá Arsenal Enski boltinn Ástandið á Urriðavelli ekki gott og Íslandsmótið fært á Hlíðavöll Golf Brady byggir nýjan leikvang fyrir Willum og Alfons Enski boltinn Hlaðvarpsstjörnu dreymir um að spila handbolta á Ólympíuleikunum 2028 Handbolti Fleiri fréttir Stjörnur Chelsea spiluðu saman í unglingaliði City Mbuemo fer fram á fimmfalt hærri laun „Reynt að halda væntingum niðri og ég spyr mig af hverju?“ Sögðu danskri landsliðskonu að fara heim að vaska upp Klessti á Ronaldo í hjólastólnum sínum Rio Ferdinand: Ég er skotskífa vegna gengis Man United Írskur smáklúbbur græðir meira en hálfan milljarð þökk sé Liverpool Brady byggir nýjan leikvang fyrir Willum og Alfons Leiknir byrjar vel undir stjórn Gústa Gylfa og ÍR-ingar á toppinn Ronaldo skaut Portúgal í úrslitaleikinn Margir leikmenn á förum frá Arsenal Segist ekki vilja taka tíuna hjá Liverpool af Mac Allister FIFA lækkar miðaverðið á opnunarleik HM en þúsundir miða eru óseldir Di Maria farinn heim Tíu leikir í röð án sigurs: Stelpunum okkar ekki gengið svona illa síðan um aldamótin England verður án þriggja Evrópumeistara á EM Andri Már fékk tískuráð á stórleiknum á Kópavogsvelli Fiorentina óákveðið og lið í Meistaradeildinni hafa áhuga á Alberti Inter búið að hafa samband við Fabregas Stelpurnar okkar mæta Írum, Finnum eða Tékkum í umspilinu Myndaveisla frá nýja Laugardalsvellinum: Fyrsta landsliðið heiðrað, HúbbaBúbba upphitun og svekkjandi tap City búið að semja um kaupverð á Reijnders Ísak áreittur af stuðningsmönnum: „Hef aldrei séð svona áður“ Enska landsliðið æfir í upphituðum tjöldum til að undirbúa sig fyrir HM Völdu þann leikmann í Bestu deildinni sem er líkastur þeim sjálfum Skráði óvart 51 árs gamla konu í landsliðið og nýliðinn mátti ekki spila Lamine Yamal segir leikinn geta ráðið úrslitum í baráttunni um Gullknöttinn „Þær gerðu vel á móti vindi“ Hinn eftirsótti Gyökeres dregur sig út úr sænska landsliðinu „Rangstaða og hefði ekki staðið með VAR“ Sjá meira
Soccer & Education USA var stofnað árið 2015 og hefur hjálpað fjölda Íslendinga að finna sér háskólastyrk vestanhafs í gegnum fótboltann. Viðburðir sem þessi í Miðgarði í Garðabæ um helgina hjálpar þar mikið til. En hversu mörgum er búist við á staðnum? „Við erum að reikna með að þetta verði svona í kringum 120 leikmenn, stelpur og strákar,“ sagði Brynjar Benediktsson, stofnandi og framkvæmdastjóri fyrirtækisins, í Sportpakkanum í gær. Klippa: Íslendingar fengið styrkfé upp á fimm milljarða „Varðandi þjálfarana, þá er það fyndna við það að þeir eru enn að bóka sig. Það er náttúrulega svo auðvelt að fljúga hingað frá Boston og New York. En við erum að vona að þetta verði í kringum 40-50 þjálfarar sem horfa um helgina.“ „En síðan tökum við þetta upp með fjórum myndavélum og sendum þetta síðan út, unnið eins og leik í Bestu-deildinni, til Bandaríkjanna. Þannig að verða fullt af augum að horfa á krakkana um helgina.“ Brynjar Benediktsson lék sjálfur með Clemson University í Bandaríkjunum og aðstoðar nú unga leikmenn að fá skólastyrki þar í landi.Vísir/Arnar Aðspurður að því hversu margir krakkar hafi farið út á styrkjum í gegnum fyrirtækið segir Brynjar: „Í kringum 450 leikmenn sem við höfum aðstoðað og það er náttúrulega að vaxa á hverju ári. Í fyrra fór 71 leikmaður og styrkirnir í kringum fimm milljarða hjá þessum leikmönnum. Og ég held að á næsta ári fari enn fleiri út þannig það er bara skemmtilegt.“ segir Brynjar. Harvard vill fleiri Íslendinga vegna árangurs Mundu og Hildar Þjálfarar hjá bæði Boston College og Harvard eru komnir til landsins að fylgjast með leikmönnum um helgina og eru á meðal yfir 40 þjálfara hjá bandarískum háskólum sem verða í Miðgarði um helgina. „Þessi viðburður hefur nýst okkur afar vel. Við höfum haft þrjá framúrskarandi leikmenn hjá Boston College á undanförum sjö til átta árum; Heiðar Ægisson, Stefán Ingi Sigurðarson og Kristófer Konráðsson, sem hafa allir leikið hér á Íslandi eftir útskrift,“ segir Bob Thompson, þjálfari karlaliðs Boston College. Heiðar og Kristófer eru báðir uppaldir hjá Stjörnunni en Heiðar lék með Val í Bestu-deild karla síðasta sumar, Kristófer lék með Leikni síðari hluta sumars er Breiðhyltingar féllu. Stefán Ingi er uppalinn hjá Breiðabliki en lék stórvel á láni hjá HK er liðið fór upp úr Lengjudeildinni síðasta sumar. Bob Thompson, þjálfari karlaliðs Boston College.Vísir/Arnar „Þetta hefur því haft mikið að segja. Allir þrír leikmenn voru leiðtogar í liðum okkar og höfðu sérstaka hæfileika,“ segir Thompson. Mark McDevitt, þjálfari kvennaliðs Harvard, þjálfar þar bæði Áslaugu Mundu Gunnlaugsdóttur og Hildi Þóru Hákonardóttur. Fleiri íslenskir leikmenn eru svo á leiðinni í skólann. „Þetta hefur skilað okkur miklu. Áslaug [Munda Gunnlaugsdóttir] og Hildur [Þóra Hákonardóttir] eru hjá okkur núna. Þær hafa verið magnaðar á vellinum og mjög góðar í kennslustofunni. Árangur þeirra hefur leitt til þess að fleiri eru á leið til okkar og við vonumst til að fá fleiri íslenska leikmenn þegar fram líða stundir,“ segir McDevitt. Þær Áslaug og Hildur eru báðar leikmenn Breiðabliks en sú fyrrnefnda er einnig fastakona í íslenska landsliðshópnum. Mark McDevitt, þjálfari kvennaliðs Harvard-háskóla.Vísir/Arnar Ekkert land skilað eins miklu af sér til starfsins En hvað er það sem aðskilur íslenska leikmenn frá öðrum? „Ég tel að íslensku leikmennirnir okkar hafi skilað okkur mun meiru en leikmenn frá öðrum löndum á síðustu sjö árum. Ég held að ástæðan sé hugarfar þeirra. Þeir eru hæfileikaríkir en þeir hafa sýnt fagmennsku þegar þeir koma hingað, verið góðir liðsfélagar og miklir leiðtogar. Persónuleiki leikmanna sem hafa komið hingað hefur verið sérstakur,“ segir Thompson. „Þau eru mjög vinnusöm og eru viljug til að bæta sig. Svo er skólakerfið hér mjög gott, enskukunnáttan er góð og þau stefna einbeitt að því að ná árangri - bæði innan vallar og í skólastofunni,“ segir McDevitt sem var þá spurður um hvort hann og Harvard muni einblína enn frekar á Ísland í framtíðinni? „Já, vonandi. Reynslan hingað til er góð,“ segir McDevitt.
Fótbolti Háskólar Bandaríkin Mest lesið Sögðu danskri landsliðskonu að fara heim að vaska upp Fótbolti Írskur smáklúbbur græðir meira en hálfan milljarð þökk sé Liverpool Enski boltinn „Reynt að halda væntingum niðri og ég spyr mig af hverju?“ Fótbolti Klessti á Ronaldo í hjólastólnum sínum Fótbolti Mbuemo fer fram á fimmfalt hærri laun Enski boltinn Rio Ferdinand: Ég er skotskífa vegna gengis Man United Enski boltinn Margir leikmenn á förum frá Arsenal Enski boltinn Ástandið á Urriðavelli ekki gott og Íslandsmótið fært á Hlíðavöll Golf Brady byggir nýjan leikvang fyrir Willum og Alfons Enski boltinn Hlaðvarpsstjörnu dreymir um að spila handbolta á Ólympíuleikunum 2028 Handbolti Fleiri fréttir Stjörnur Chelsea spiluðu saman í unglingaliði City Mbuemo fer fram á fimmfalt hærri laun „Reynt að halda væntingum niðri og ég spyr mig af hverju?“ Sögðu danskri landsliðskonu að fara heim að vaska upp Klessti á Ronaldo í hjólastólnum sínum Rio Ferdinand: Ég er skotskífa vegna gengis Man United Írskur smáklúbbur græðir meira en hálfan milljarð þökk sé Liverpool Brady byggir nýjan leikvang fyrir Willum og Alfons Leiknir byrjar vel undir stjórn Gústa Gylfa og ÍR-ingar á toppinn Ronaldo skaut Portúgal í úrslitaleikinn Margir leikmenn á förum frá Arsenal Segist ekki vilja taka tíuna hjá Liverpool af Mac Allister FIFA lækkar miðaverðið á opnunarleik HM en þúsundir miða eru óseldir Di Maria farinn heim Tíu leikir í röð án sigurs: Stelpunum okkar ekki gengið svona illa síðan um aldamótin England verður án þriggja Evrópumeistara á EM Andri Már fékk tískuráð á stórleiknum á Kópavogsvelli Fiorentina óákveðið og lið í Meistaradeildinni hafa áhuga á Alberti Inter búið að hafa samband við Fabregas Stelpurnar okkar mæta Írum, Finnum eða Tékkum í umspilinu Myndaveisla frá nýja Laugardalsvellinum: Fyrsta landsliðið heiðrað, HúbbaBúbba upphitun og svekkjandi tap City búið að semja um kaupverð á Reijnders Ísak áreittur af stuðningsmönnum: „Hef aldrei séð svona áður“ Enska landsliðið æfir í upphituðum tjöldum til að undirbúa sig fyrir HM Völdu þann leikmann í Bestu deildinni sem er líkastur þeim sjálfum Skráði óvart 51 árs gamla konu í landsliðið og nýliðinn mátti ekki spila Lamine Yamal segir leikinn geta ráðið úrslitum í baráttunni um Gullknöttinn „Þær gerðu vel á móti vindi“ Hinn eftirsótti Gyökeres dregur sig út úr sænska landsliðinu „Rangstaða og hefði ekki staðið með VAR“ Sjá meira
Myndaveisla frá nýja Laugardalsvellinum: Fyrsta landsliðið heiðrað, HúbbaBúbba upphitun og svekkjandi tap