Hafa ekki unnið Haukana á heimavelli í 88 mánuði

Leikurinn hefst klukkan 19.30 og verður sýndur beint á Stöð 2 Sport.

Afturelding hefur ekki náð að vinna deildarleik á móti Haukum á heimavelli síðan 12. október 2015.

Afturelding vann þá 24-23 sigur á Haukum en þjálfari Hauka í þeim leik var einmitt Gunnar Magnússon, núverandi þjálfari Aftureldingarliðsins.

Liðin hafa síðan mæst sjö sinnum í deild og einu sinni í úrslitakeppni í Mosfellsbænum og niðurstaðan eru eitt jafntefli og sjö Haukasigrar. Afturelding hefur ekki unnið einn af þessum leikjum og í kvöld verða því liðnir 88 mánuðir og 8 dagar frá síðasta heimasigri Aftureldingar á Haukum á Íslandsmóti karla í handbolta.

Afturelding vann 27-26 sigur á Haukum í fyrri leik liðanna í vetur en það var fyrsti deildarsigur Mosfellinga á Haukum síðan í febrúar 2020.