Handbolti

Hildur Lilja til liðs við ný­liða Aftur­eldingar

Runólfur Trausti Þórhallsson skrifar
Hildur Lilja og Guðmundur Helgi Pálsson, þjálfari Aftureldingar.
Hildur Lilja og Guðmundur Helgi Pálsson, þjálfari Aftureldingar. Afturelding

Hildur Lilja Jónsdóttir hefur ákveðið að söðla um og ganga í raðir Aftureldingar en liðið mun spila í Olís deild kvenna í handbolta á næstu leiktíð. Frá þessu greindi Afturelding á samfélagsmiðlum sínum.

Hin 19 ára gamla Hildur Lilja hefur leikið allan sinn feril í heimabæ sínum, Akureyri. Hún hefur hins vegar ákveðið að flytja á höfuðborgarsvæðið og mun því ekki leika með KA/Þór á næstu leiktíð.

Hin örvhenta Hildur Lilja getur leikið bæði í stöðu hægri skyttu sem og hægra horni. Hún skrifaði undir tveggja ára samning við Aftureldingu.

Afturelding mun spila í Olís deild kvenna á næstu leiktíð eftir að vinna Grill 66-deildina í ár.

Handbolti Olís-deild kvenna Afturelding

Mest lesið


Fleiri fréttir

Sjá meira


×

Mest lesið