Hafa áhyggjur af kortlagningu Rússa á sæstrengjum Kristinn Haukur Guðnason skrifar 15. júní 2023 10:36 Þórdís Kolbrún R. Gylfadóttir utanríkisráðherra. Vísir/Vilhelm Fulltrúar JEF ríkjanna, þar á meðal Íslands, funduðu á þriðjudag í Amsterdam. Eitt stærsta umræðuefnið á fundinum voru neðansjávarinnviðir sem ógnað er af Rússum. „Það liggur fyrir að Rússland hefur um nokkurt skeið stundað eftirlit og kortlagningu á svæðum þar sem mikilvægir neðansjávarinnviðir eru til staðar og hefur Ísland ásamt öðrum ríkjum áhyggjur af þeim umsvifum,“ segir Sveinn Guðmarsson, fjölmiðlafulltrúi utanríkisráðuneytisins í svari við fyrirspurn Vísis um fundinn. „Í kjölfar skemmdaverkanna á Nordstream gasleiðslunni hefur allt samstarf um vernd neðansjávarinnviða verið stóraukið með bættum upplýsingaskiptum og eftirliti meðal annars innan JEF samstarfsins og á vettvangi Atlantshafsbandalagins.“ JEF er öryggis og varnarbandalag tíu ríkja í norðurhluta Evrópu, sem flest eru einnig í Atlantshafsbandalaginu. JEF er undir forystu Breta en auk þess eru í því öll Norðurlöndin, Eystrasaltslöndin og Holland. Á fundi varnarmálaráðherra í Amsterdam var meðal annars samþykktur 92 milljón punda stuðningur við Úkraínu, það er 16 milljarða króna. Einnig að efla upplýsingagjöf í varnarmálum milli ríkjanna og að verja neðansjávarinnviði. Martin Eyjólfsson, ráðuneytisstjóri, sótti fundinn fyrir Íslands hönd. Rússar sigldu nálægt IRIS Þegar kemur að neðansjávarinnviðum eru það fyrst og fremst fjarskiptasæstrengir sem Ísland þarf að huga að að sögn Sveins. Þeir gegna mikilvægu hlutverki fyrir samskipti landsins við umheiminn. „Unnið hefur verið að því að fjölga strengjum til að bæta rekstraröryggi þeirra, allt samstarf um eftirlit, upplýsingaskipti og viðbragð hefur verið aukið í samstarfi við bandalagsríki samhliða því að þróa frekari varatengingar,“ segir Sveinn. Fjarskiptastrengjum hefur verið fjölgað til að tryggja öryggi samskipta Íslands við útlönd.Farice Ekki eru margir mánuðir síðan að IRIS fjarskiptastrengurinn var formlega tekinn í gagnið. Hann liggur frá Þorlákshöfn að Galway á vesturströnd Írlands. Aðrir eru Farice sem liggur til Færeyja og Skotlands, Danice sem liggur til Danmerkur og Greenland Connect til Grænlands en hinn síðastnefndi er í eigu Grænlendinga. CANTAT 3 strengurinn, sem liggur milli Kanada og Evrópu, með tengingu við Vestmannaeyjar, er enn þá til en þykir úreltur og þjónustar fyrst og fremst olíuborpalla. Í apríl greindi Vísir frá því að tvö rússnesk skip, með getu til framkvæmda á sjávarbotni, hafi siglt grunsamlega nálægt IRIS strengnum við strönd Írlands. Írski flugherinn og flotinn fylgdust með ferðum skipanna og gerðu Íslendingum viðvart. Vernd bandarískra kafbáta Sveinn segir að vernd, eftirlit og viðbragð vegna mikilvægra neðansjávarinnviða kalli bæði á innlendan viðbúnað og samstarf við önnur ríki. Ríki beri ábyrgð á eigin lögsögu en vinni náið saman að því að efla eftirlit, upplýsingaskipti og mögulegt viðbragð vegna skemmda á neðansjávarinnviðum. Fulltrúar JEF ríkjanna funduðu í Amsterdam á þriðjudag. Martin Eyjólfsson ráðuneytisstjóri er annar frá vinstri á myndinni.JEF „Í mörgum tilfellum liggja slíkir innviðir um lögsögu nokkurra ríkja sem kallar á náið samráð og viðbragð. Innan Atlantshafsbandalagsins hefur markvisst verið unnið að því að styrkja samstarf á þessu sviði og hefur bandalagið jafnframt ályktað að það muni bregðast sameiginlega við vísvitandi árásum á mikilvæga innviði,“ segir Sveinn. Þá sé aukið kafbátaeftirlit bandalagsríkja umhverfis Ísland og nýleg ákvörðun stjórnvalda um að heimila bandarískum kafbátum að koma hingað liður í auknu eftirliti og tryggi jafn framt betra öryggi neðansjávarinnviða. Utanríkismál Sæstrengir Öryggis- og varnarmál Tengdar fréttir Rússnesk skip ógna nýjum íslenskum sæstreng Írsk stjórnvöld telja að ferðir rússneskra skipa í nágrenni við borgina Galway á vesturströndinni grunsamlegar. Bæði írski flotinn og flugherinn fylgjast með skipunum. Nýlega var opnaður fjarskiptastrengur milli Íslands og Írlands, sem liggur milli Þorlákshafnar og Galway. 5. apríl 2023 07:01 Skemmdu sæstrenginn til Svalbarða í fyrra Rússneskur togari skemmdi fjarskiptasæstrenginn sem liggur frá Noregi til Svalbarða í janúar árið 2022. Talið er að um viljaverk sé að ræða en togarinn sigldi fram og til baka með veiðarfærin yfir strenginn. 5. apríl 2023 13:12 Mest lesið Föst í Portúgal: „Siðlaust“ að fljúga vélunum út í morgun Innlent Bílstjórinn þrettán ára Innlent Lítur svo á að hann njóti ekki trausts og hefur beðist lausnar Innlent Tilkynnt um dróna yfir Keflavíkurflugvelli Innlent Sjokk, stress og særindi í Leifsstöð Innlent Ekki erfitt að vera föst í 25 gráðum en ástæðan sorgleg Innlent Orrustuþotur yfir Borgundarhólmi og drónar trufla flug í Noregi Erlent Fyrrverandi landgönguliði drap að minnsta kosti fjóra í Michigan Erlent Þriggja ára fangelsi: Tók ekki mark á lygilegri frásögn Innlent „Óvænt og líka mjög leiðinlegt“ Innlent Fleiri fréttir Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Föst í Portúgal: „Siðlaust“ að fljúga vélunum út í morgun Fara yfir stöðuna vegna Play og skipuleggja sig Bílstjórinn þrettán ára Vísað burtu af hóteli og svo handtekinn í sameign 29 prósent heimila skipuð einstæðingum: „Meðvituð ákvörðun til að njóta frelsis“ Aldrei neinn afsláttur gefinn í flugprófunum Allt niður í þriggja mánaða fiðluleikara „Virðist bitna á saklausum ferðamönnum“ „Ákveðinn miski“ að geta ekki treyst vatninu Flúði próflaus undan lögreglu með einum of marga farþega þegar bíllinn valt Umfangsmiklar árásir og símengað neysluvatn Báturinn áður sokkið í sömu höfn og án skýringar Drukkinn ökumaður keyrði á þrjá bíla og reyndi að stinga af Um 200 nemendur eru í lögreglunámi á Akureyri Skora á Snorra að gefa kost á sér Bíll valt eftir flótta undan lögreglu og þrír slösuðust Reiknað með afskiptum af öllum samkomum Vítisengla Lögreglan með málið til rannsóknar Áframhaldandi aðgerðir gegn Vítisenglum Sjá meira
„Það liggur fyrir að Rússland hefur um nokkurt skeið stundað eftirlit og kortlagningu á svæðum þar sem mikilvægir neðansjávarinnviðir eru til staðar og hefur Ísland ásamt öðrum ríkjum áhyggjur af þeim umsvifum,“ segir Sveinn Guðmarsson, fjölmiðlafulltrúi utanríkisráðuneytisins í svari við fyrirspurn Vísis um fundinn. „Í kjölfar skemmdaverkanna á Nordstream gasleiðslunni hefur allt samstarf um vernd neðansjávarinnviða verið stóraukið með bættum upplýsingaskiptum og eftirliti meðal annars innan JEF samstarfsins og á vettvangi Atlantshafsbandalagins.“ JEF er öryggis og varnarbandalag tíu ríkja í norðurhluta Evrópu, sem flest eru einnig í Atlantshafsbandalaginu. JEF er undir forystu Breta en auk þess eru í því öll Norðurlöndin, Eystrasaltslöndin og Holland. Á fundi varnarmálaráðherra í Amsterdam var meðal annars samþykktur 92 milljón punda stuðningur við Úkraínu, það er 16 milljarða króna. Einnig að efla upplýsingagjöf í varnarmálum milli ríkjanna og að verja neðansjávarinnviði. Martin Eyjólfsson, ráðuneytisstjóri, sótti fundinn fyrir Íslands hönd. Rússar sigldu nálægt IRIS Þegar kemur að neðansjávarinnviðum eru það fyrst og fremst fjarskiptasæstrengir sem Ísland þarf að huga að að sögn Sveins. Þeir gegna mikilvægu hlutverki fyrir samskipti landsins við umheiminn. „Unnið hefur verið að því að fjölga strengjum til að bæta rekstraröryggi þeirra, allt samstarf um eftirlit, upplýsingaskipti og viðbragð hefur verið aukið í samstarfi við bandalagsríki samhliða því að þróa frekari varatengingar,“ segir Sveinn. Fjarskiptastrengjum hefur verið fjölgað til að tryggja öryggi samskipta Íslands við útlönd.Farice Ekki eru margir mánuðir síðan að IRIS fjarskiptastrengurinn var formlega tekinn í gagnið. Hann liggur frá Þorlákshöfn að Galway á vesturströnd Írlands. Aðrir eru Farice sem liggur til Færeyja og Skotlands, Danice sem liggur til Danmerkur og Greenland Connect til Grænlands en hinn síðastnefndi er í eigu Grænlendinga. CANTAT 3 strengurinn, sem liggur milli Kanada og Evrópu, með tengingu við Vestmannaeyjar, er enn þá til en þykir úreltur og þjónustar fyrst og fremst olíuborpalla. Í apríl greindi Vísir frá því að tvö rússnesk skip, með getu til framkvæmda á sjávarbotni, hafi siglt grunsamlega nálægt IRIS strengnum við strönd Írlands. Írski flugherinn og flotinn fylgdust með ferðum skipanna og gerðu Íslendingum viðvart. Vernd bandarískra kafbáta Sveinn segir að vernd, eftirlit og viðbragð vegna mikilvægra neðansjávarinnviða kalli bæði á innlendan viðbúnað og samstarf við önnur ríki. Ríki beri ábyrgð á eigin lögsögu en vinni náið saman að því að efla eftirlit, upplýsingaskipti og mögulegt viðbragð vegna skemmda á neðansjávarinnviðum. Fulltrúar JEF ríkjanna funduðu í Amsterdam á þriðjudag. Martin Eyjólfsson ráðuneytisstjóri er annar frá vinstri á myndinni.JEF „Í mörgum tilfellum liggja slíkir innviðir um lögsögu nokkurra ríkja sem kallar á náið samráð og viðbragð. Innan Atlantshafsbandalagsins hefur markvisst verið unnið að því að styrkja samstarf á þessu sviði og hefur bandalagið jafnframt ályktað að það muni bregðast sameiginlega við vísvitandi árásum á mikilvæga innviði,“ segir Sveinn. Þá sé aukið kafbátaeftirlit bandalagsríkja umhverfis Ísland og nýleg ákvörðun stjórnvalda um að heimila bandarískum kafbátum að koma hingað liður í auknu eftirliti og tryggi jafn framt betra öryggi neðansjávarinnviða.
Utanríkismál Sæstrengir Öryggis- og varnarmál Tengdar fréttir Rússnesk skip ógna nýjum íslenskum sæstreng Írsk stjórnvöld telja að ferðir rússneskra skipa í nágrenni við borgina Galway á vesturströndinni grunsamlegar. Bæði írski flotinn og flugherinn fylgjast með skipunum. Nýlega var opnaður fjarskiptastrengur milli Íslands og Írlands, sem liggur milli Þorlákshafnar og Galway. 5. apríl 2023 07:01 Skemmdu sæstrenginn til Svalbarða í fyrra Rússneskur togari skemmdi fjarskiptasæstrenginn sem liggur frá Noregi til Svalbarða í janúar árið 2022. Talið er að um viljaverk sé að ræða en togarinn sigldi fram og til baka með veiðarfærin yfir strenginn. 5. apríl 2023 13:12 Mest lesið Föst í Portúgal: „Siðlaust“ að fljúga vélunum út í morgun Innlent Bílstjórinn þrettán ára Innlent Lítur svo á að hann njóti ekki trausts og hefur beðist lausnar Innlent Tilkynnt um dróna yfir Keflavíkurflugvelli Innlent Sjokk, stress og særindi í Leifsstöð Innlent Ekki erfitt að vera föst í 25 gráðum en ástæðan sorgleg Innlent Orrustuþotur yfir Borgundarhólmi og drónar trufla flug í Noregi Erlent Fyrrverandi landgönguliði drap að minnsta kosti fjóra í Michigan Erlent Þriggja ára fangelsi: Tók ekki mark á lygilegri frásögn Innlent „Óvænt og líka mjög leiðinlegt“ Innlent Fleiri fréttir Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Föst í Portúgal: „Siðlaust“ að fljúga vélunum út í morgun Fara yfir stöðuna vegna Play og skipuleggja sig Bílstjórinn þrettán ára Vísað burtu af hóteli og svo handtekinn í sameign 29 prósent heimila skipuð einstæðingum: „Meðvituð ákvörðun til að njóta frelsis“ Aldrei neinn afsláttur gefinn í flugprófunum Allt niður í þriggja mánaða fiðluleikara „Virðist bitna á saklausum ferðamönnum“ „Ákveðinn miski“ að geta ekki treyst vatninu Flúði próflaus undan lögreglu með einum of marga farþega þegar bíllinn valt Umfangsmiklar árásir og símengað neysluvatn Báturinn áður sokkið í sömu höfn og án skýringar Drukkinn ökumaður keyrði á þrjá bíla og reyndi að stinga af Um 200 nemendur eru í lögreglunámi á Akureyri Skora á Snorra að gefa kost á sér Bíll valt eftir flótta undan lögreglu og þrír slösuðust Reiknað með afskiptum af öllum samkomum Vítisengla Lögreglan með málið til rannsóknar Áframhaldandi aðgerðir gegn Vítisenglum Sjá meira
Rússnesk skip ógna nýjum íslenskum sæstreng Írsk stjórnvöld telja að ferðir rússneskra skipa í nágrenni við borgina Galway á vesturströndinni grunsamlegar. Bæði írski flotinn og flugherinn fylgjast með skipunum. Nýlega var opnaður fjarskiptastrengur milli Íslands og Írlands, sem liggur milli Þorlákshafnar og Galway. 5. apríl 2023 07:01
Skemmdu sæstrenginn til Svalbarða í fyrra Rússneskur togari skemmdi fjarskiptasæstrenginn sem liggur frá Noregi til Svalbarða í janúar árið 2022. Talið er að um viljaverk sé að ræða en togarinn sigldi fram og til baka með veiðarfærin yfir strenginn. 5. apríl 2023 13:12