Rekinn eftir tapið gegn Klaks­vík

Fyrri leikur einvígisins fór fram í Færeyjum og endaði með markalausu jafntefli. Stuðnings- og stjórnarfólk Ferencváros hugsaði sér því gott til glóðarinnar fyrir síðari leikinn. 

Búist var við öruggum sigri heimamanna en annað kom á daginn. Klaksvík pakkaði heimamönnum saman og vann öruggan 3-0 sigur. Þar með komst KÍ áfram í 2. umferð undankeppninnar á meðan Ferencváros er á leið í Evrópudeildina.

Cherchesov, sem stýrði Rússlandi á HM 2018, var kallaður á fund beint eftir leik. Það skipti litlu þó liðið hefði tvívegis orðið meistari frá því hann tók við árið 2021. Hann var rekinn inn á skrifstofu framkvæmdastjóra beint eftir leik.

KÍ Klaksvík er sum sé komið áfram í Meistaradeild Evrópu. Mæta þeir næst sænsku meisturunum í BK Häcken á meðan Ungverjarnir mæta Shamrock sem Breiðablik sló út í Evrópudeildinni.