Margrét nýr fram­kvæmda­stjóri þing­flokks Pírata

Þetta kemur fram í til­kynningu. Þar kemur fram að Margrét hafi búið í Stokk­hjólmi í Sví­þjóð í þrettán ár. Þar starfaði hún hjá Natur­skydds­förenin­gen, stærstu náttúru­verndar­sam­tökum Norður­landanna, meðal annars í verk­efnum tengdum gras­rót sam­takanna sem og kosninga­tengdum verk­efnum. 

Í apríl sagði Baldur Karl Magnússon upp störfum sem framkvæmdastjóri þingflokksins. Þá var gengið frá starfslokum við tvo starfsmenn Pírata á svipuðum tíma. Sagði Björn Leví Gunnarsson, þingflokksformaður Pírata að um væri að ræða skipulagsbreytingar í samtali við Vísi.

Auk þess hefur hún starfað við sjálf­bærni­mál í tengslum við veitinga­rekstur í Sví­þjóð. Margrét er með meistara­próf í sjálf­bærni frá Stock­holm Resilien­ce Centre og BS í um­hverfis­fræði frá Stokk­hólms­há­skóla

„Þing­flokkur Pírata saman­stendur af öflugu stjórn­mála­fólki sem vill standa vörð um fólk, frelsi þess og mann­réttindi. Píratar eru auk þess með raun­hæfustu um­hverfis­stefnuna af öllum flokkum á Al­þingi að mínu mati, sem skiptir mig miklu máli. Stjórn­mál hafa alltaf heillað mig og það er mjög spennandi að fá að starfa með þing­flokki Pírata í þessu pólitíska lands­lagi þar sem öflugt að­hald við stjórnar­flokkana hefur sjaldan verið mikil­vægara. Píratar eru hreyfing sem áttar sig á á­skorunum fram­tíðarinnar og ég er spennt að vinna með Pírötum í þing­störfunum og í komandi kosningum,“ segir Margrét í frétta­til­kynningunni.