Russell Brand kærður til lögreglu Samúel Karl Ólason skrifar 18. september 2023 16:14 Russell Brand Í Lundúnum eftir uppistand á laugardaginn. AP/James Manning Lögreglunni í Lundúnum hefur borist kæra gegn Russel Brand, breskum grínista. Kona kærði hann fyrir kynferðisbrot sem á að hafa átt sér stað í borginni árið 2003. Breskir fjölmiðlar birtu um helgina sögu fjögurra kvenna sem sökuðu hann um nauðgun, kynferðislega áreitni og andlegt ofbeldi yfir sjö ára tímabil, eða frá 2006 til 2013. Ein þessara kvenna var sextán ára gömul þegar hún segir Brand hafa brotið á sér, samkvæmt umfjöllun Sunday Times (sem er þó eingöngu aðgengileg áskrifendum), og Channel 4. Í umfjöllun The Times lýsir ein kvennanna því að þau Brand hafi átt í kynferðislegu sambandi þegar hún var 16 ára og hann 31 árs. Hún segir hann hafa kallað sig „barnið“ og sakar hann um að hafa brotið á sér á þriggja mánaða tímabili. Önnur kona segir að Brand hafi nauðgað sér á heimili hans í Los Angeles. Hún hafi leitað sér aðstoðar sama dag vegna málsins og þá lýsa tvær konur til viðbótar í umfjölluninni kynferðisofbeldi af hálfu leikarans. Blaðið segist hafa gefið leikaranum ítrekað tækifæri til þess að tjá sig um málið. Hann hafi ekki gert það en þess í stað tjáð sig um málið á Instagram, þar sem hann þvertók fyrir að hafa brotið af sér. Brand, sem er 48 ára gamall, segist ekki hafa verið við eina fjölina felldur í gegnum árin en hann hafi aldrei haft mök við konu án samþykkis hennar. Ekki ein af þeim sem fjallað var um Konan sem kært hefur Brand, virðist ekki vera ein af þeim sem ræddu við Times og Channel 4, þar sem brotið á að hafa átt sér stað árið 2003, þremur árum fyrir fyrsta meinta brotið sem sagt var frá um helgina. Times sagði frá því í gær að fleiri konur hefðu haft samband við miðilinn og að verið sé að skoða þau mál. Guardian hefur eftir talsmanni lögreglunnar í Lundúnum að búið væri að leita til miðlanna tveggja sem hefðu fjallað um málið til að tryggja að hver sá sem telur á sér brotið viti hvernig kæra eigi það til lögreglu. Lýst sem opnu leyndarmáli Ásökunum gegn Brand hefur verið lýst sem opnu leyndarmáli í skemmtanaiðnaði Bretlands en þær hafa opnað enn og aftur á spurningar um menninguna innan þessa iðnaðar á árum áður og til dagsins í dag. Brand hefur lengi haldið uppistand, starfað í útvarpi og sjónvarpi, auk þess sem hann hefur komið fram í kvikmyndum. Hann hefur þó lítið sést í slíkum störfum á undanförnum árum og hefur Brand þess í stað birt myndbönd á Youtube, sem njóta nokkurra vinsælda. Í þessum myndböndum hefur hann verið duglegur að ræða samsæriskenningar og blása í þær lífi. Um tíma starfaði hann á Breska ríkisútvarpinu (BBC) en hann hætti þar árið 2008 eftir að hann gerði símaat í leikaranum Andrew Sachs, sem er hvað þekktastur fyrir leik sinn í Fawlty Towers. Í nokkrum símtölum hringdi Brand í Sachs og hélt því fram að hann hefði sængað hjá barnabarni hans. Brand var einnig í raunveruleikaþáttum sem heita Big Brother en framleiðendur þeirra, forsvarsmenn BBC og forsvarsmenn Channel 4 segja samkvæmt AP fréttaveitunni að verið sé að kanna hegðun hans þar. Gantaðist með að Brand væri kynferðisbrotamaður Deadline sagði frá því í dag að Brand hefði verið rekinn frá þáttunum Roas Battle árið 2018 en þá hafði annar þáttastjórnandi ítrekað gantast með það að hann væri kynferðisbrotamaður. Þetta mun hafa reitt Brand mjög mikið til reiði og rataði ekkert af þessum ummælum frá Katherine Ryan í þættina sjálfa. Heimildarmenn Deadline segja Ryan ítrekað hafa skotið á Brand með þessum hætti. Hann er sagður hafa orðið reiður og krafist þess að framleiðendur þáttanna stöðvuðu ummælin. Framleiðendurnir munu þó hafa verið órólegir vegna umræðunnar um Brand og viðkvæmni hans og ákveðið að nota tækifærið til að losa sig við hann. Ryan sagði í þætti Louis Theroux á BBC í fyrra að hún hefði nokkrum sinnum sagt við samstarfsmann sinn að hann væri kynferðisbrotamaður. Hún vildi samt ekki nefna viðkomandi, því það gæti setta hana í lagaleg vandræði. Þetta var í síðasta sinn sem Brand sást í breskum sjónvarpsþætti, fyrir utan einn þátt í The Great Celebrity Bake Off árið 2019. Bretland Kynferðisofbeldi Mál Russell Brand Hollywood Mest lesið Ökumaður bifhjólsins látinn Innlent Ógeðsleg aðkoma að íbúðinni eftir Airbnb-gesti Innlent Ísland leggur til fólk í finnskar herstöðvar Innlent „Við ætlum að upplifa stóra drauminn hans Kristians Helga” Innlent Keyptu ónýtt hús og fá ekki áheyrn Innlent Lögreglumaður á sjúkrahúsi eftir alvarlega árás á Goslokahátíð Innlent Enn að jafna sig eftir stunguárás: „Þeir eru miklu yngri en réðu samt ekkert við 43 ára mann“ Innlent Alvarlegt mótorhjólaslys og Miklubraut lokað Innlent Pilturinn er fundinn Innlent Gufunesmálið: Hringdu um miðja nótt og sögðu hinn látna vera kynferðisafbrotamann Innlent Fleiri fréttir Bindur vonir við „einn inn, einn út“ áætlun í innflytjendamálum Vill hefna vinar síns Bolsonaro með 50 prósenta tollum á Brasilíu Þrír látnir og sextán saknað eftir árás á fraktskip Sigldi á ísjaka á fleygiferð og komst naumlega af Ljóstruðu upp um heimilisfang sænska forsætisráðherrans á Strava Þurfa ekki lengur að fara úr skónum í öryggiseftirlitinu Rússar gera umfangsmikla drónaárás á yfir 700 skotmörk Eyddu færslum spjallmennisins sem lofuðu Adolf Hitler 109 látnir og yfir 160 saknað Er Trump að gefast upp á Pútín? Aðeins eitt mál enn óleyst í vopnahlésviðræðum Öllu flugi til og frá næststærstu borg Frakklands aflýst Náðu myndum af gesti frá annarri stjörnu Harma dauða ráðherrans en tjá sig ekki um hann Sakfelldir fyrir að kveikja í iðnaðarhúsnæði fyrir Wagner-málaliða Hafnar gagnrýni á samskipti við lyfjarisa í faraldrinum Bresk stjórnvöld hyggja á aðgerðir gegn trúnaðarsamningum Ekki fleiri greinst með mislinga í Bandaríkjunum í 33 ár Vill safna íbúum Gasa í lokaðar búðir og flytja síðan á brott Bandamenn fá hótunarbréf um 25 til 40 prósent toll „Þeir verða að geta varið sig“: Hættir við að hætta vopnasendingum Yfir hundrað látnir í Texas Ellefu dagar milli nýrra jarðganga í Færeyjum Samgönguráðherrann lést daginn sem Pútín rak hann Pútín rekur samgönguráðherrann eftir miklar raskanir á flugi Eldgos í Lewotobi Laki Laki í Indónesíu Líkir tilætlunum Musk við lestarslys Fundin sek um að myrða ættingja með eitruðum sveppum Á níunda tug látin í hamfaraflóðum Friðarviðræður hafnar í Katar og Netanyahu heldur til Washington Sjá meira
Ein þessara kvenna var sextán ára gömul þegar hún segir Brand hafa brotið á sér, samkvæmt umfjöllun Sunday Times (sem er þó eingöngu aðgengileg áskrifendum), og Channel 4. Í umfjöllun The Times lýsir ein kvennanna því að þau Brand hafi átt í kynferðislegu sambandi þegar hún var 16 ára og hann 31 árs. Hún segir hann hafa kallað sig „barnið“ og sakar hann um að hafa brotið á sér á þriggja mánaða tímabili. Önnur kona segir að Brand hafi nauðgað sér á heimili hans í Los Angeles. Hún hafi leitað sér aðstoðar sama dag vegna málsins og þá lýsa tvær konur til viðbótar í umfjölluninni kynferðisofbeldi af hálfu leikarans. Blaðið segist hafa gefið leikaranum ítrekað tækifæri til þess að tjá sig um málið. Hann hafi ekki gert það en þess í stað tjáð sig um málið á Instagram, þar sem hann þvertók fyrir að hafa brotið af sér. Brand, sem er 48 ára gamall, segist ekki hafa verið við eina fjölina felldur í gegnum árin en hann hafi aldrei haft mök við konu án samþykkis hennar. Ekki ein af þeim sem fjallað var um Konan sem kært hefur Brand, virðist ekki vera ein af þeim sem ræddu við Times og Channel 4, þar sem brotið á að hafa átt sér stað árið 2003, þremur árum fyrir fyrsta meinta brotið sem sagt var frá um helgina. Times sagði frá því í gær að fleiri konur hefðu haft samband við miðilinn og að verið sé að skoða þau mál. Guardian hefur eftir talsmanni lögreglunnar í Lundúnum að búið væri að leita til miðlanna tveggja sem hefðu fjallað um málið til að tryggja að hver sá sem telur á sér brotið viti hvernig kæra eigi það til lögreglu. Lýst sem opnu leyndarmáli Ásökunum gegn Brand hefur verið lýst sem opnu leyndarmáli í skemmtanaiðnaði Bretlands en þær hafa opnað enn og aftur á spurningar um menninguna innan þessa iðnaðar á árum áður og til dagsins í dag. Brand hefur lengi haldið uppistand, starfað í útvarpi og sjónvarpi, auk þess sem hann hefur komið fram í kvikmyndum. Hann hefur þó lítið sést í slíkum störfum á undanförnum árum og hefur Brand þess í stað birt myndbönd á Youtube, sem njóta nokkurra vinsælda. Í þessum myndböndum hefur hann verið duglegur að ræða samsæriskenningar og blása í þær lífi. Um tíma starfaði hann á Breska ríkisútvarpinu (BBC) en hann hætti þar árið 2008 eftir að hann gerði símaat í leikaranum Andrew Sachs, sem er hvað þekktastur fyrir leik sinn í Fawlty Towers. Í nokkrum símtölum hringdi Brand í Sachs og hélt því fram að hann hefði sængað hjá barnabarni hans. Brand var einnig í raunveruleikaþáttum sem heita Big Brother en framleiðendur þeirra, forsvarsmenn BBC og forsvarsmenn Channel 4 segja samkvæmt AP fréttaveitunni að verið sé að kanna hegðun hans þar. Gantaðist með að Brand væri kynferðisbrotamaður Deadline sagði frá því í dag að Brand hefði verið rekinn frá þáttunum Roas Battle árið 2018 en þá hafði annar þáttastjórnandi ítrekað gantast með það að hann væri kynferðisbrotamaður. Þetta mun hafa reitt Brand mjög mikið til reiði og rataði ekkert af þessum ummælum frá Katherine Ryan í þættina sjálfa. Heimildarmenn Deadline segja Ryan ítrekað hafa skotið á Brand með þessum hætti. Hann er sagður hafa orðið reiður og krafist þess að framleiðendur þáttanna stöðvuðu ummælin. Framleiðendurnir munu þó hafa verið órólegir vegna umræðunnar um Brand og viðkvæmni hans og ákveðið að nota tækifærið til að losa sig við hann. Ryan sagði í þætti Louis Theroux á BBC í fyrra að hún hefði nokkrum sinnum sagt við samstarfsmann sinn að hann væri kynferðisbrotamaður. Hún vildi samt ekki nefna viðkomandi, því það gæti setta hana í lagaleg vandræði. Þetta var í síðasta sinn sem Brand sást í breskum sjónvarpsþætti, fyrir utan einn þátt í The Great Celebrity Bake Off árið 2019.
Bretland Kynferðisofbeldi Mál Russell Brand Hollywood Mest lesið Ökumaður bifhjólsins látinn Innlent Ógeðsleg aðkoma að íbúðinni eftir Airbnb-gesti Innlent Ísland leggur til fólk í finnskar herstöðvar Innlent „Við ætlum að upplifa stóra drauminn hans Kristians Helga” Innlent Keyptu ónýtt hús og fá ekki áheyrn Innlent Lögreglumaður á sjúkrahúsi eftir alvarlega árás á Goslokahátíð Innlent Enn að jafna sig eftir stunguárás: „Þeir eru miklu yngri en réðu samt ekkert við 43 ára mann“ Innlent Alvarlegt mótorhjólaslys og Miklubraut lokað Innlent Pilturinn er fundinn Innlent Gufunesmálið: Hringdu um miðja nótt og sögðu hinn látna vera kynferðisafbrotamann Innlent Fleiri fréttir Bindur vonir við „einn inn, einn út“ áætlun í innflytjendamálum Vill hefna vinar síns Bolsonaro með 50 prósenta tollum á Brasilíu Þrír látnir og sextán saknað eftir árás á fraktskip Sigldi á ísjaka á fleygiferð og komst naumlega af Ljóstruðu upp um heimilisfang sænska forsætisráðherrans á Strava Þurfa ekki lengur að fara úr skónum í öryggiseftirlitinu Rússar gera umfangsmikla drónaárás á yfir 700 skotmörk Eyddu færslum spjallmennisins sem lofuðu Adolf Hitler 109 látnir og yfir 160 saknað Er Trump að gefast upp á Pútín? Aðeins eitt mál enn óleyst í vopnahlésviðræðum Öllu flugi til og frá næststærstu borg Frakklands aflýst Náðu myndum af gesti frá annarri stjörnu Harma dauða ráðherrans en tjá sig ekki um hann Sakfelldir fyrir að kveikja í iðnaðarhúsnæði fyrir Wagner-málaliða Hafnar gagnrýni á samskipti við lyfjarisa í faraldrinum Bresk stjórnvöld hyggja á aðgerðir gegn trúnaðarsamningum Ekki fleiri greinst með mislinga í Bandaríkjunum í 33 ár Vill safna íbúum Gasa í lokaðar búðir og flytja síðan á brott Bandamenn fá hótunarbréf um 25 til 40 prósent toll „Þeir verða að geta varið sig“: Hættir við að hætta vopnasendingum Yfir hundrað látnir í Texas Ellefu dagar milli nýrra jarðganga í Færeyjum Samgönguráðherrann lést daginn sem Pútín rak hann Pútín rekur samgönguráðherrann eftir miklar raskanir á flugi Eldgos í Lewotobi Laki Laki í Indónesíu Líkir tilætlunum Musk við lestarslys Fundin sek um að myrða ættingja með eitruðum sveppum Á níunda tug látin í hamfaraflóðum Friðarviðræður hafnar í Katar og Netanyahu heldur til Washington Sjá meira
Enn að jafna sig eftir stunguárás: „Þeir eru miklu yngri en réðu samt ekkert við 43 ára mann“ Innlent
Enn að jafna sig eftir stunguárás: „Þeir eru miklu yngri en réðu samt ekkert við 43 ára mann“ Innlent