Fyrsta mark Guð­mundar Bald­vins kom í súru tapi

Guðmundur Baldvin var í byrjunarliðinu og skoraði mark sitt á 38. mínútu leiksins. Hann kom þá Mjallby 2-1 yfir og var það staðan í hálfleik. Til að bæta á gleði heimamanna þá fékk Emin Grozdanic sitt annað gula spjald í liði Varnamo og gestirnir því manni færri út leikinn.

Þegar stundarfjórðungur var til leiksloka jöfnuðu gestirnir metin og stálu svo sigrinum með marki þegar þrjár mínútur voru til leiksloka, lokatölur 2-3. Guðmundur Baldvin var tekinn af velli þegar tíu mínútur lifðu leiks.

Mjallby er í 9. sæti með 34 stig að loknum 25 leikjum.