Fleiri far­þegar í septem­ber en á sama tíma í fyrra

Þetta kemur fram í til­kynningu frá fé­laginu. Þar segir að far­þegar til Ís­lands hafi verið 175 þúsund. Far­þegar frá Ís­landi voru 49 þúsund talsins á meðan 169 þúsund manns ferðuðust um Ís­lands. Innan Ís­lands voru far­þegar 23 þúsund.

Að sögn Icelandair var sæta­nýting 82,7 prósent og héldu eininga­tekjur á­frma að styrkjast. Stund­vísi var 81 prósent sem er tíu prósentu­stiga aukning frá fyrra ári.

„Það er á­nægju­legt að sjá heil­brigðan vöxt í far­þega­fjölda á milli ára og á­fram­haldandi styrkingu eininga­tekna nú þegar þriðja árs­fjórðungi lýkur en hann var stærsti fjórðungur í sögu Icelandair þegar litið er til fjölda flug­ferða. Ég vil þakka starfs­fólki okkar fyrir frá­bært starf yfir sumar­mánuðina og þann árangur sem þau hafa náð,“ segir Bogi Nils Boga­son, for­stjóri Icelandair.

„Til marks um það hefur fé­lagið ný­lega hlotið tvenn verð­laun fyrir fram­úr­skarandi þjónustu. Í septem­ber hlutum við nafn­bótina fimm stjörnu flug­fé­lag á APEX verð­laununum og í þessari viku unnum við dönsku ferða­þjónustu­verð­launin í flokki flug­fé­laga. Við erum mjög stolt af þessum viður­kenningum og þakk­lát okkar traustu við­skipta­vinum fyrir að halda á­fram að velja Icelandair.“