Flutningi þriggja íslenskra drengja til Noregs frestað Lovísa Arnardóttir skrifar 25. október 2023 20:11 Í myndböndum sem tekin voru við heimili Eddu og drengjanna í kvöld má sjá að nokkur mannmergð hópaðist að lögreglumönnum í aðgerðunum. Fólk hrópaði að lögreglu og mótmælti aðgerðinni. Vísir Flytja átti þrjá íslenska drengi til föður síns í Noregi í kvöld. Hann fer með forsjá þeirra samkvæmt úrskurði íslenskra og norskra dómstóla. Fjölmennt lögreglulið var á vettvangi í kvöld á vegum sýslumanns og nokkuð umstang. Móðir drengjanna var handtekin en síðar sleppt og aðgerðinni frestað. Fjölmenn lögregluaðgerð fór fram í Foldahverfinu í Grafarvogi í kvöld. Þar voru Edda Björk Arnardóttir og sambýlismaður hennar handtekin vegna mótmæla þeirra við aðfararaðgerð sýslumanns en flytja átti þrjá drengi Eddu í forsjá föður þeirra. Sýslumaðurinn á höfuðborgarsvæðinu bar ábyrgð á aðgerðunum í Foldahverfinu í kvöld en ákvarðanir í forsjármálum eru á ábyrgð embættis sýslumanns. Á vettvangi var lögregla til að tryggja öryggi og til að framfylgja aðgerðinni. Á vettvangi voru einnig fulltrúar frá barnavernd en framfylgja átti úrskurði héraðsdóms um að koma þremur sonum Eddu í forsjá föður þeirra sem býr í Noregi. Hann fer með forsjá drengjanna samkvæmt úrskurði Héraðsdóms í Reykjavík og dómstóli í Noregi þar sem þau voru búsett. Samkvæmt upplýsingum frá einum syni Eddu er búið að fresta aðgerðinni en í samtali við fréttastofu sagði hann alla fjölskylduna fagna þessari niðurstöðu. Gagnrýnir lítið samráð við börnin „Það átti að taka ferðatöskur og beita valdi til að koma þeim úr landi sama hvað. Drengirnir fá ekki að tjá afstöðu sína við þessa gerð,“ segir lögmaður Eddu, Hildur Sólveig Pétursdóttir. Hún gerir verulegar athugasemdir við úrskurðinn og að framfylgja eigi honum með þessum hætti. Hún bendir í því samhengi á matsgerð dómkvadds sálfræðings þar sem fram kemur eindreginn vilji drengjanna við að vera á Íslandi, hjá móður sinni. Hún segir að ekki hafi verið tekið tillit til skoðana drengjanna í niðurstöðu héraðsdóms eða í Landsrétti, sem staðfesti niðurstöðu í héraði. Ekki fékkst kæruleyfi til Hæstaréttar en Hildur Sólveig hafði óskað eftir því. Hún bendir jafnframt á að ef drengirnir verði fluttir til Noregs sé ljóst að þeir muni ekki geta umgengist móður sína vegna þess að þar eigi hún yfir höfði sér kæru um barnsrán. Núverandi forsjárdómur í Noregi frá árinu 2020 kveður á um 16 klukkustunda umgengni þeirra við móður sína á hverju ári. Sú umgengni á að fara fram undir eftirliti. Hildur Sólveig segir að þrátt fyrir loforð föður um meiri umgengni hafi ekki komið til þess og því hafi hún gripið til þess ráðs að flytja þá til Íslands. Hildur telur niðurstöðu dómstóla á Íslandi fara gegn grunnreglum barnaréttar Samnings Sameinuðu þjóðanna en í þeim felst að taka eigi tillit til vilja barna sem hafa öðlast þroska til að tjá skoðun sína. Það hafi ekki verið gert í þessu tilviki. „við erum með ákvæði í barnalögum, 43. grein, sem kveður á um að það skuli fara eftir vilja barna og viðmiðið er kannski um níu ára, en þegar börn eru orðin tólf ára þá á að hlíta því,“ segir Hildur Sólveig en drengir Eddu Bjarkar eru tólf ára og svo tíu ára, og að það sé alveg skýrt að ekki sé verið að fara eftir vilja drengjanna í þessu máli. Töluvert hefur verið fjallað um málið allt frá því að Edda Björk leigði einkaflugvél í mars árið 2022 og flaug með drengina til Íslands í leyfisleysi. Samkvæmt Sólveigu, lögmanni hennar, kærði faðir drengjanna það til héraðsdóms í júlí sama ár. Niðurstaða héraðsdóms var að faðir drengjanna ætti enn að fara með forsjá drengjanna. Úrskurður héraðsdóms í málinu var svo staðfestur í Landsrétti í janúar á þessu ári. Aðgerðin í dag snerist um að framfylgja þessum úrskurði. Íslendingar erlendis Noregur Dómsmál Fjölskyldumál Réttindi barna Mál Eddu Bjarkar Mest lesið „Ástandið er að versna“ Erlent Konan „terroríseri“ alla í hryllingshúsinu Innlent Ekki standi til að sækja strandveiðiheimildir í aflamarkskerfið Innlent Segist „eiginlega sammála“ ákvörðun Amgen Innlent „Engin örugg skref, bara eitt illa unnið pennastrik“ Innlent Skjálfti 4,8 að stærð í Bárðarbungu Innlent Hent nauðugri út úr hryllingshúsi vegna ógreiddrar leigu Innlent Ný stjórn Ungra umhverfissinna kjörin Innlent Gekk inn á lögreglustöðina í annarlegu ástandi og var snarlega handtekinn Innlent Vaknaði eldsnemma til að hefja veiðar þrátt fyrir slæma veðurspá Innlent Fleiri fréttir Byssum stolið úr bílskúr í Kópavogi Ekki standi til að sækja strandveiðiheimildir í aflamarkskerfið Ný stjórn Ungra umhverfissinna kjörin Skjálfti 4,8 að stærð í Bárðarbungu Konan „terroríseri“ alla í hryllingshúsinu Mannréttindastofnun Íslands tekin til starfa Segist „eiginlega sammála“ ákvörðun Amgen Vaknaði eldsnemma til að hefja veiðar þrátt fyrir slæma veðurspá „Engin örugg skref, bara eitt illa unnið pennastrik“ Kári Stefánsson í beinni, „hryllingshús“ og trillukarlar Gekk inn á lögreglustöðina í annarlegu ástandi og var snarlega handtekinn Kári segist hafa verið rekinn vegna lygasögu Halla og Björn halda til Svíþjóðar Brosa hringinn á upphafsdegi strandveiða Strandveiðar hafnar og óvissa í kvikmyndagerð Í beinni: Málþing um snjóflóð og samfélög Hent nauðugri út úr hryllingshúsi vegna ógreiddrar leigu Skallaði mann og dónalegur við lögregluþjóna Ekki sé hægt að kaupa fólk út eða rífa hús sem séu byggð samkvæmt leyfum Allt of mikið af svipuðum íbúðum á markaði skapi misræmi Bíða með að selja íbúðir frekar en að lækka verðið Óboðlegt að vista hælisleitendur sem eigi að vísa úr landi í fangelsum Brottfararstöð fyrir hælisleitendur og fasteignamarkaður í ójafnvægi Óvenjulítill snjór á hálendinu auki rýrnun jökla í sumar Segist hafa skipað hæfasta fólkið þvert á athugasemdir verkfræðinga Bæjarstjóri Ölfus biðlar til ríkisins vegna Garðyrkjuskólans „Maður skyldi ætla að það þurfi tiltekið siðferði til að starfa í lögreglunni“ Snjólaust á fjöllum og Garðyrkjuskólinn grútnar niður Njósnamálið, hræringar í evrópskum stjórnmálum og fjárhagur borgarinnar Eldur í bíl við fjölbýlishús í Urriðaholti Sjá meira
Fjölmenn lögregluaðgerð fór fram í Foldahverfinu í Grafarvogi í kvöld. Þar voru Edda Björk Arnardóttir og sambýlismaður hennar handtekin vegna mótmæla þeirra við aðfararaðgerð sýslumanns en flytja átti þrjá drengi Eddu í forsjá föður þeirra. Sýslumaðurinn á höfuðborgarsvæðinu bar ábyrgð á aðgerðunum í Foldahverfinu í kvöld en ákvarðanir í forsjármálum eru á ábyrgð embættis sýslumanns. Á vettvangi var lögregla til að tryggja öryggi og til að framfylgja aðgerðinni. Á vettvangi voru einnig fulltrúar frá barnavernd en framfylgja átti úrskurði héraðsdóms um að koma þremur sonum Eddu í forsjá föður þeirra sem býr í Noregi. Hann fer með forsjá drengjanna samkvæmt úrskurði Héraðsdóms í Reykjavík og dómstóli í Noregi þar sem þau voru búsett. Samkvæmt upplýsingum frá einum syni Eddu er búið að fresta aðgerðinni en í samtali við fréttastofu sagði hann alla fjölskylduna fagna þessari niðurstöðu. Gagnrýnir lítið samráð við börnin „Það átti að taka ferðatöskur og beita valdi til að koma þeim úr landi sama hvað. Drengirnir fá ekki að tjá afstöðu sína við þessa gerð,“ segir lögmaður Eddu, Hildur Sólveig Pétursdóttir. Hún gerir verulegar athugasemdir við úrskurðinn og að framfylgja eigi honum með þessum hætti. Hún bendir í því samhengi á matsgerð dómkvadds sálfræðings þar sem fram kemur eindreginn vilji drengjanna við að vera á Íslandi, hjá móður sinni. Hún segir að ekki hafi verið tekið tillit til skoðana drengjanna í niðurstöðu héraðsdóms eða í Landsrétti, sem staðfesti niðurstöðu í héraði. Ekki fékkst kæruleyfi til Hæstaréttar en Hildur Sólveig hafði óskað eftir því. Hún bendir jafnframt á að ef drengirnir verði fluttir til Noregs sé ljóst að þeir muni ekki geta umgengist móður sína vegna þess að þar eigi hún yfir höfði sér kæru um barnsrán. Núverandi forsjárdómur í Noregi frá árinu 2020 kveður á um 16 klukkustunda umgengni þeirra við móður sína á hverju ári. Sú umgengni á að fara fram undir eftirliti. Hildur Sólveig segir að þrátt fyrir loforð föður um meiri umgengni hafi ekki komið til þess og því hafi hún gripið til þess ráðs að flytja þá til Íslands. Hildur telur niðurstöðu dómstóla á Íslandi fara gegn grunnreglum barnaréttar Samnings Sameinuðu þjóðanna en í þeim felst að taka eigi tillit til vilja barna sem hafa öðlast þroska til að tjá skoðun sína. Það hafi ekki verið gert í þessu tilviki. „við erum með ákvæði í barnalögum, 43. grein, sem kveður á um að það skuli fara eftir vilja barna og viðmiðið er kannski um níu ára, en þegar börn eru orðin tólf ára þá á að hlíta því,“ segir Hildur Sólveig en drengir Eddu Bjarkar eru tólf ára og svo tíu ára, og að það sé alveg skýrt að ekki sé verið að fara eftir vilja drengjanna í þessu máli. Töluvert hefur verið fjallað um málið allt frá því að Edda Björk leigði einkaflugvél í mars árið 2022 og flaug með drengina til Íslands í leyfisleysi. Samkvæmt Sólveigu, lögmanni hennar, kærði faðir drengjanna það til héraðsdóms í júlí sama ár. Niðurstaða héraðsdóms var að faðir drengjanna ætti enn að fara með forsjá drengjanna. Úrskurður héraðsdóms í málinu var svo staðfestur í Landsrétti í janúar á þessu ári. Aðgerðin í dag snerist um að framfylgja þessum úrskurði.
Íslendingar erlendis Noregur Dómsmál Fjölskyldumál Réttindi barna Mál Eddu Bjarkar Mest lesið „Ástandið er að versna“ Erlent Konan „terroríseri“ alla í hryllingshúsinu Innlent Ekki standi til að sækja strandveiðiheimildir í aflamarkskerfið Innlent Segist „eiginlega sammála“ ákvörðun Amgen Innlent „Engin örugg skref, bara eitt illa unnið pennastrik“ Innlent Skjálfti 4,8 að stærð í Bárðarbungu Innlent Hent nauðugri út úr hryllingshúsi vegna ógreiddrar leigu Innlent Ný stjórn Ungra umhverfissinna kjörin Innlent Gekk inn á lögreglustöðina í annarlegu ástandi og var snarlega handtekinn Innlent Vaknaði eldsnemma til að hefja veiðar þrátt fyrir slæma veðurspá Innlent Fleiri fréttir Byssum stolið úr bílskúr í Kópavogi Ekki standi til að sækja strandveiðiheimildir í aflamarkskerfið Ný stjórn Ungra umhverfissinna kjörin Skjálfti 4,8 að stærð í Bárðarbungu Konan „terroríseri“ alla í hryllingshúsinu Mannréttindastofnun Íslands tekin til starfa Segist „eiginlega sammála“ ákvörðun Amgen Vaknaði eldsnemma til að hefja veiðar þrátt fyrir slæma veðurspá „Engin örugg skref, bara eitt illa unnið pennastrik“ Kári Stefánsson í beinni, „hryllingshús“ og trillukarlar Gekk inn á lögreglustöðina í annarlegu ástandi og var snarlega handtekinn Kári segist hafa verið rekinn vegna lygasögu Halla og Björn halda til Svíþjóðar Brosa hringinn á upphafsdegi strandveiða Strandveiðar hafnar og óvissa í kvikmyndagerð Í beinni: Málþing um snjóflóð og samfélög Hent nauðugri út úr hryllingshúsi vegna ógreiddrar leigu Skallaði mann og dónalegur við lögregluþjóna Ekki sé hægt að kaupa fólk út eða rífa hús sem séu byggð samkvæmt leyfum Allt of mikið af svipuðum íbúðum á markaði skapi misræmi Bíða með að selja íbúðir frekar en að lækka verðið Óboðlegt að vista hælisleitendur sem eigi að vísa úr landi í fangelsum Brottfararstöð fyrir hælisleitendur og fasteignamarkaður í ójafnvægi Óvenjulítill snjór á hálendinu auki rýrnun jökla í sumar Segist hafa skipað hæfasta fólkið þvert á athugasemdir verkfræðinga Bæjarstjóri Ölfus biðlar til ríkisins vegna Garðyrkjuskólans „Maður skyldi ætla að það þurfi tiltekið siðferði til að starfa í lögreglunni“ Snjólaust á fjöllum og Garðyrkjuskólinn grútnar niður Njósnamálið, hræringar í evrópskum stjórnmálum og fjárhagur borgarinnar Eldur í bíl við fjölbýlishús í Urriðaholti Sjá meira