Skapari Glock-byssunnar er látinn

Í yfirlýsingu frá fyrirtækinu Glock segir að starfsemi fyrirtækisins muni halda áfram í hans anda.

BBC segir frá því að Glock-skammbyssurnar séu verið notaðar af herjum, öryggisvörðum, byssueigendum og glæpamönnum um allan heim og að vinsældir byssutegundarinnar hafi aukist mikið og hún fest sig í sessi eftir að hafa verið notuð í fjölda stórra kvikmynda líkt og Matrix Reloaded.

Þrátt fyrir vinsældir Glock-skammbyssunnar þá var Gaston Glock lýst sem hlédrægum milljarðamæringi sem hafi varið langmestum tíma sínum í húsi sínu við stöðuvatn í Austurríki.

Hann hafi sjaldan verið í fjölmiðlum en gaf þó út bók um viðskiptaveldi sitt árið 2012 í kjölfar skilnaðar við fyrstu eiginkonu sinnar. Í bókinni sagði Glock meðal annars frá því þegar samstarfsmaður hafi reynt að láta drepa hann á tíunda áratugnum. Hafði samstarfsmaðurinn þá leigt fyrrverandi glímumann til að bana Glock með því að berja hann í höfuðið með gúmmíkylfu, en Glock, sem þá var sjötugur, hafi tekist að verjast árásinni og tekist að rota árásarmanninn.

Glock var fæddur árið 1929 og stundaði nám í vélaverkfræði á sínum yngri árum. Hann stofnaði fyrirtæki á níunda áratugnum og var hann ráðinn af austurríska hernum til að uppfæra þær byssur sem notaðar voru í hernum. Hann hannaði og þróaði þá létta níu millimetra hálfsjálfvirka byssu sem gat skotið átján skotum og sem auðvelt var að hlaða. Byssan naut fljótt mikilla vinsælda og átti sala á byssunni eftir að stóraukast með árunum.

Bandaríska tímaritið Forbes mat auðævi Glock 1,1 milljarð Bandaríkjadala árið 2021.