HSÍ fær 35 milljónum meira en næsta sam­band

Íþrótta- og Ólympíusambands Ísland segir frá úthlutuninni á heimasíðu sinni.

Handknattleikssamband Íslands fær langmest af íþróttasamböndunum eða meira en 84,8 milljónir króna. HSÍ var með bæði A-landslið sín á stórmótum á síðasta ári og þau eiga bæði góða möguleika á að endurtaka leikinn í gær.

Styrkurinn til HSÍ er meira en 35 milljónum meira en Fimleikasamband Íslands sem fær næst mest eða 49,5 milljónir króna.

Sundsamband Íslands er síðan í þriðja sæti með 39,8 milljónir, Frjálsíþróttasambandið fær 37,9 milljónir,  Körfuknattleikssambandið fær 33,9 milljónir og Skíðasambandið fær 33,7 milljónir.

Framlag ríkisins til Afrekssjóðs ÍSÍ vegna verkefna ársins 2024 er 392 milljónir króna en framlagið hefur verið óbreytt síðustu ár. Afrekssjóður er einnig fjármagnaður með hlutdeild úr tekjum íþróttahreyfingarinnar frá Íslenskri getspá, samkvæmt ákvörðun Íþróttaþings ÍSÍ.

Til Afrekssjóðs ÍSÍ bárust umsóknir frá 32 sérsamböndum og hlutu þau öll styrk vegna afreksíþróttastarfs og landsliðsverkefna. Knattspyrnusamband Íslands er ekki eitt af þessum samböndum.

Heildarkostnaður afreksíþróttastarfs hjá þeim sérsamböndum sem sóttu um til Afrekssjóðs ÍSÍ vegna ársins 2024 er áætlaður nema um 2.108 milljarðar króna og er stuðningur sjóðsins því um 24% af heildarkostnaði afreksstarfs þeirra sérsambanda sem sóttu um, sem er aðeins hærri prósenta en á síðasta ári.

Breyting var gerð á reglugerð um Afrekssjóð ÍSÍ í nóvember 2023. Helstu breytingar voru þær að nú eru sérsambönd flokkuð í tvo afreksflokka í stað þriggja áður, þ.e. Afrekssérsambönd og Verkefnasérsambönd.

Fer flokkunin að mestu eftir umfangi alþjóðlegrar mótaþátttöku og alþjóðlegum árangri.

Í reglugerðinni kemur fram að stjórn Afrekssjóðs ÍSÍ skal árlega flokka sérsambönd í tvo afreksflokka, Afrekssérsambönd og Verkefnasérsambönd. Sérsambönd raðast í flokka eftir besta árangri innan sérsambandsins, hvort heldur vegna liða/hópa eða einstaklinga. Flokkun sérsambanda í afreksflokka og tillögur um úthlutanir skulu lagðar fyrir framkvæmdastjórn ÍSÍ til endanlegrar staðfestingar.

Hér fyrir neðan má sjá hvernig styrkveitingarnar skiptast í ár.