Ekki fyrir fram ákveðin atburðarás: „Sá þetta bara í fjölmiðlum“ Aron Guðmundsson skrifar 28. febrúar 2024 08:01 Aron Jóhannsson er ekki á förum frá Val. Hann hefur krotað undir nýjan samning við félagið og bundið enda á sögusagnir Vísir/Arnar Halldórsson Eftir nokkurt óvissutímabil hefur Aron Jóhannsson skrifað undir nýjan samning við Bestu deildar lið Vals. Breiðablik reyndi að klófesta miðjumanni reynda en án árangurs. Hann þvertekur fyrir að um fyrir fram ákveðna atburðarás hafi verið að ræða, af sinni hálfu, til þess að vænka samningsstöðu sína gagnvart Val. „Ég er bara spenntur fyrir komandi tímum og ánægður með þetta. Þessu óvissustigi er nú lokið. Ég verð hérna allavegana næstu árin,“ segir Aron í samtali við Vísi en nýr samningur hans við Val gildir til næstu tveggja ára. Þú talar um óvissustig. Fyrri samningur þinn við við Val var að nálgast sinn endapunkt og Breiðablik lagði fram kauptilboð í þig. Var einhver óvissa af þinni hálfu gagnvart því að þú myndir vera áfram mála hjá Val eða færa þig um set? „Það voru einhverjir orðrómar í gangi og maður reynir bara að pæla sem minnst í þeim. En ég er ánægður með þessa niðurstöðu, er spenntur fyrir komandi tímum hér. Við erum spenntir fyrir næsta tímabili og viljum gera betur en í fyrra. Voru einhver meiri samskipti á milli þarna við Breiðablik. Var þetta kostur sem þú varst að skoða? „Tilboðinu var hafnað. Ég segi nú kannski ekki að ég hafi frétt af þessu síðastur en ég fékk allavegana að vita þetta á svipuðum tíma og flestir aðrir. Ég sá þetta bara í fjölmiðlum, sá líka seinna í fjölmiðlum að tilboðinu hefði verið hafnað og var ekkert rosalega mikið að pæla í þessu. Svo fer af stað atburðarás sem endar með því að ég skrifa undir nýjan samning hér við Val. Ég er sáttur með þessa niðurstöðu.“ Stjörnuleikur umboðsmannsins? Staða Arons hefur verið mikið til umræðu upp á síðkastið enda um að ræða einn besta leikmann Bestu deildar og því ætti það ekki að koma á óvart að félög væru að horfa hýru auga til hans með tilliti til samningsstöðu hans. Í hlaðvarpsþættinum Dr. Football var nýjum samningi Arons við Val lýst sem stjörnuleik hjá umboðsmanni hans. Áhugi Breiðabliks hafi verið settur af stað með það sem markmið að fá nýjan samning fyrir Aron á Hlíðarenda. Var þetta fyrir fram ákveðin atburðarás hjá þér og umboðsmanni þínum með það fyrir augum að koma þér í betri samningsstöðu? „Nei. Allavegana ekki af minni hálfu. Ég er með umboðsmann að vinna fyrir mig. Hann hefur unnið fyrir mig í mörg ár og er ástæðan fyrir því að sú umboðsskrifstofa er sú besta á landinu. Þeir eru að vinna sína vinnu. Í lokin eru þeir með sáttan leikmann og þetta gekk allt eftir held ég.“ Aron í leik með Val Vísir/Diego Skýr markmið Aron sneri aftur hingað heim til Íslands fyrir tveimur árum síðan en félaginu hefur á þeim tíma ekki tekist að ná sínu aðal markmiði. Að standa uppi sem meistari. „Við höfum gengið í gegnum svona upp og niður tímabil. Við viljum vinna alla titla sem í boði eru. Frá því að ég kom heim höfum við ekki náð að gera það. Við erum með skýr markmið fyrir þetta tímabil, að standa uppi með einn eða titla að því afloknu.“ Til þess að það gerist munu Valsmenn þurfa að skáka liðum á borð við ríkjandi Íslands- og bikarmeistara Víkings Reykjavíkur sem hlupu í burtu með Íslandsmeistaratitilinn á síðasta tímabili. Arnar Grétarsson er þjálfari ValsVísir/Pawel Cieslikiewicz Valur endaði það tímabil í öðru sæti en telur Aron að liðið sé betur í stakk búið til þess að berjast við Víkinga á komandi tímabili? „Já. Maður tekur hatt sinn ofan fyrir Víkingum og frammistöðu þeirra á síðasta tímabili. Þeir áttu frábært ár og eru núna liðið sem þarf að skáka. Við erum að undirbúa okkur fyrir það að vera í baráttunni við þá. Svo eru lið eins og Breiðablik og Stjarnan sem eru að koma vel inn í þetta líka.“ Ég held að þetta verði virkilega skemmtilegt tímabil, verði jafnara heldur en upp á síðkastið og vonandi verður það svoleiðis. En þótt að ég voni að þetta verði spennandi, þá vona ég líka á sama tíma að við stöndum uppi sem sigurvegarar í lokin.“ Einn af mörgum þáttum sem heilla við Val Aron hafði nýlokið æfingu með Val þegar að hann ræddi við íþróttadeild Vísis og Stöðvar 2 en Valsmenn æfa alltaf fyrir hádegi, eitthvað sem verður að teljast ansi óvenjulegt hér á landi en á sama tíma afar heillandi, líkt og Aron lætur í ljós uppi. „Mér finnst það klárlega. Ástæðan fyrir því að það er gott að vera hér á Hlíðarenda, ein af mörgum, er sú að við æfum fyrir hádegi. Flestir okkar, sér í lagi eldri strákarnir, erum með fjölskyldu og börn og því er þetta mjög hentugur tími fyrir okkur og klárlega aðlagandi punktur fyrir það að vera hér í Val. Maður fær að vera meira heima, getur verið að sækja krakkana í skólann og verja meiri tíma með fjölskyldunni.“ Besta deild karla Valur Breiðablik Mest lesið Stórveldaslagur „upp á líf og dauða“ Íslenski boltinn Evrópa leiðir baráttuna um Ryder bikarinn Sport Dagskráin í dag: Ryder bikarinn, enski boltinn og baráttan í Bestu Sport Potter rekinn frá West Ham Enski boltinn Einföld aðgerð varð að fimm mánaða ferli Sport Ársbann frá fótbolta fyrir skjalafals Fótbolti Kane skoraði hundrað mörk á methraða Fótbolti Víkingur vann bikarinn úr aukaspyrnum Fótbolti NFL leikir á Maracanã næstu fimm árin Sport KA sótti sigur gegn stigalausu liði HK Handbolti Fleiri fréttir „Lærðum það í fyrra hvað það er leiðinlegt að tapa“ Stórveldaslagur „upp á líf og dauða“ „Held við séum búnir að sjúga karamelluna nægilega mikið“ Lofar æðislegum leik Arnar ekki áfram með Fylki Sjáðu Stjörnuna stöðva partýið, bombur Bergdísar og dramað í Dalnum Sjáðu brotið sem Blikar eru brjálaðir yfir Uppgjörið: Þór/KA - Tindastóll 3-0 | Þægilegt hjá Þór/KA Úr svartnætti í sólarljós „Mjög ljót meiðsli eftir slæma og óþarfa tæklingu“ Uppgjörið: Þróttur - Víkingur 3-2 | Dramatík í Dalnum Uppgjörið: FH - Valur 1-1 | Allt jafnt og Blikar nær titli Spilaði fyrsta leikinn í tvö ár: „Er í gervigrasskóm og hef ekki snert gras síðan 2023“ Högg fyrir KR-inga í fallbaráttunni Uppgjörið: Breiðablik - Stjarnan 1-2 | Stjarnan vann sanngjarnt og titillinn bíður betri tíma Blikar gætu aftur orðið Íslandsmeistarar í kvöld Hvergi nærri hætt: „Markmiðið var alltaf að sýna gömlu góðu Berglindi“ Botnslagurinn færður Gullboltinn í Bestu deildinni: „Þristurinn minn gæti orðið umdeildur“ Rúnar Már og Amin missa af stórleiknum upp á Skaga Náð í fleiri stig í átta leikjum síðan Birnir kom en í fimmtán leikjum þar á undan Finnst ólíklegt að KR bjargi sér: „Þetta er orðið verra og verra og verra“ Sjáðu vítið sem gerði Blika æfa: „Ótrúlegt að enginn af dómurunum sjái þetta“ Viðurkennir að vítið sem Víkingur fékk hafi ekki átt að standa Höskuldur um vítaspyrnudóminn umdeilda: „Grimmt að dæma hendi á þetta“ Uppgjörið: Valur - Breiðablik 1-1 | Hádramatískar lokamínútur skiluðu Valsmönnum stigi Markatalan 10-1 eftir að Lárus Orri fann liðið sitt Sjáðu vítadóminn í Víkinni og öll mörk gærdagsins „Stefnan sett á topp fjallsins og við reynum að klífa þangað“ „Ömurleg frammistaða hjá gæjunum í gulu búningunum“ Sjá meira
„Ég er bara spenntur fyrir komandi tímum og ánægður með þetta. Þessu óvissustigi er nú lokið. Ég verð hérna allavegana næstu árin,“ segir Aron í samtali við Vísi en nýr samningur hans við Val gildir til næstu tveggja ára. Þú talar um óvissustig. Fyrri samningur þinn við við Val var að nálgast sinn endapunkt og Breiðablik lagði fram kauptilboð í þig. Var einhver óvissa af þinni hálfu gagnvart því að þú myndir vera áfram mála hjá Val eða færa þig um set? „Það voru einhverjir orðrómar í gangi og maður reynir bara að pæla sem minnst í þeim. En ég er ánægður með þessa niðurstöðu, er spenntur fyrir komandi tímum hér. Við erum spenntir fyrir næsta tímabili og viljum gera betur en í fyrra. Voru einhver meiri samskipti á milli þarna við Breiðablik. Var þetta kostur sem þú varst að skoða? „Tilboðinu var hafnað. Ég segi nú kannski ekki að ég hafi frétt af þessu síðastur en ég fékk allavegana að vita þetta á svipuðum tíma og flestir aðrir. Ég sá þetta bara í fjölmiðlum, sá líka seinna í fjölmiðlum að tilboðinu hefði verið hafnað og var ekkert rosalega mikið að pæla í þessu. Svo fer af stað atburðarás sem endar með því að ég skrifa undir nýjan samning hér við Val. Ég er sáttur með þessa niðurstöðu.“ Stjörnuleikur umboðsmannsins? Staða Arons hefur verið mikið til umræðu upp á síðkastið enda um að ræða einn besta leikmann Bestu deildar og því ætti það ekki að koma á óvart að félög væru að horfa hýru auga til hans með tilliti til samningsstöðu hans. Í hlaðvarpsþættinum Dr. Football var nýjum samningi Arons við Val lýst sem stjörnuleik hjá umboðsmanni hans. Áhugi Breiðabliks hafi verið settur af stað með það sem markmið að fá nýjan samning fyrir Aron á Hlíðarenda. Var þetta fyrir fram ákveðin atburðarás hjá þér og umboðsmanni þínum með það fyrir augum að koma þér í betri samningsstöðu? „Nei. Allavegana ekki af minni hálfu. Ég er með umboðsmann að vinna fyrir mig. Hann hefur unnið fyrir mig í mörg ár og er ástæðan fyrir því að sú umboðsskrifstofa er sú besta á landinu. Þeir eru að vinna sína vinnu. Í lokin eru þeir með sáttan leikmann og þetta gekk allt eftir held ég.“ Aron í leik með Val Vísir/Diego Skýr markmið Aron sneri aftur hingað heim til Íslands fyrir tveimur árum síðan en félaginu hefur á þeim tíma ekki tekist að ná sínu aðal markmiði. Að standa uppi sem meistari. „Við höfum gengið í gegnum svona upp og niður tímabil. Við viljum vinna alla titla sem í boði eru. Frá því að ég kom heim höfum við ekki náð að gera það. Við erum með skýr markmið fyrir þetta tímabil, að standa uppi með einn eða titla að því afloknu.“ Til þess að það gerist munu Valsmenn þurfa að skáka liðum á borð við ríkjandi Íslands- og bikarmeistara Víkings Reykjavíkur sem hlupu í burtu með Íslandsmeistaratitilinn á síðasta tímabili. Arnar Grétarsson er þjálfari ValsVísir/Pawel Cieslikiewicz Valur endaði það tímabil í öðru sæti en telur Aron að liðið sé betur í stakk búið til þess að berjast við Víkinga á komandi tímabili? „Já. Maður tekur hatt sinn ofan fyrir Víkingum og frammistöðu þeirra á síðasta tímabili. Þeir áttu frábært ár og eru núna liðið sem þarf að skáka. Við erum að undirbúa okkur fyrir það að vera í baráttunni við þá. Svo eru lið eins og Breiðablik og Stjarnan sem eru að koma vel inn í þetta líka.“ Ég held að þetta verði virkilega skemmtilegt tímabil, verði jafnara heldur en upp á síðkastið og vonandi verður það svoleiðis. En þótt að ég voni að þetta verði spennandi, þá vona ég líka á sama tíma að við stöndum uppi sem sigurvegarar í lokin.“ Einn af mörgum þáttum sem heilla við Val Aron hafði nýlokið æfingu með Val þegar að hann ræddi við íþróttadeild Vísis og Stöðvar 2 en Valsmenn æfa alltaf fyrir hádegi, eitthvað sem verður að teljast ansi óvenjulegt hér á landi en á sama tíma afar heillandi, líkt og Aron lætur í ljós uppi. „Mér finnst það klárlega. Ástæðan fyrir því að það er gott að vera hér á Hlíðarenda, ein af mörgum, er sú að við æfum fyrir hádegi. Flestir okkar, sér í lagi eldri strákarnir, erum með fjölskyldu og börn og því er þetta mjög hentugur tími fyrir okkur og klárlega aðlagandi punktur fyrir það að vera hér í Val. Maður fær að vera meira heima, getur verið að sækja krakkana í skólann og verja meiri tíma með fjölskyldunni.“
Besta deild karla Valur Breiðablik Mest lesið Stórveldaslagur „upp á líf og dauða“ Íslenski boltinn Evrópa leiðir baráttuna um Ryder bikarinn Sport Dagskráin í dag: Ryder bikarinn, enski boltinn og baráttan í Bestu Sport Potter rekinn frá West Ham Enski boltinn Einföld aðgerð varð að fimm mánaða ferli Sport Ársbann frá fótbolta fyrir skjalafals Fótbolti Kane skoraði hundrað mörk á methraða Fótbolti Víkingur vann bikarinn úr aukaspyrnum Fótbolti NFL leikir á Maracanã næstu fimm árin Sport KA sótti sigur gegn stigalausu liði HK Handbolti Fleiri fréttir „Lærðum það í fyrra hvað það er leiðinlegt að tapa“ Stórveldaslagur „upp á líf og dauða“ „Held við séum búnir að sjúga karamelluna nægilega mikið“ Lofar æðislegum leik Arnar ekki áfram með Fylki Sjáðu Stjörnuna stöðva partýið, bombur Bergdísar og dramað í Dalnum Sjáðu brotið sem Blikar eru brjálaðir yfir Uppgjörið: Þór/KA - Tindastóll 3-0 | Þægilegt hjá Þór/KA Úr svartnætti í sólarljós „Mjög ljót meiðsli eftir slæma og óþarfa tæklingu“ Uppgjörið: Þróttur - Víkingur 3-2 | Dramatík í Dalnum Uppgjörið: FH - Valur 1-1 | Allt jafnt og Blikar nær titli Spilaði fyrsta leikinn í tvö ár: „Er í gervigrasskóm og hef ekki snert gras síðan 2023“ Högg fyrir KR-inga í fallbaráttunni Uppgjörið: Breiðablik - Stjarnan 1-2 | Stjarnan vann sanngjarnt og titillinn bíður betri tíma Blikar gætu aftur orðið Íslandsmeistarar í kvöld Hvergi nærri hætt: „Markmiðið var alltaf að sýna gömlu góðu Berglindi“ Botnslagurinn færður Gullboltinn í Bestu deildinni: „Þristurinn minn gæti orðið umdeildur“ Rúnar Már og Amin missa af stórleiknum upp á Skaga Náð í fleiri stig í átta leikjum síðan Birnir kom en í fimmtán leikjum þar á undan Finnst ólíklegt að KR bjargi sér: „Þetta er orðið verra og verra og verra“ Sjáðu vítið sem gerði Blika æfa: „Ótrúlegt að enginn af dómurunum sjái þetta“ Viðurkennir að vítið sem Víkingur fékk hafi ekki átt að standa Höskuldur um vítaspyrnudóminn umdeilda: „Grimmt að dæma hendi á þetta“ Uppgjörið: Valur - Breiðablik 1-1 | Hádramatískar lokamínútur skiluðu Valsmönnum stigi Markatalan 10-1 eftir að Lárus Orri fann liðið sitt Sjáðu vítadóminn í Víkinni og öll mörk gærdagsins „Stefnan sett á topp fjallsins og við reynum að klífa þangað“ „Ömurleg frammistaða hjá gæjunum í gulu búningunum“ Sjá meira