Ívar Bessi er fótbrotinn og missir því ekki aðeins af bikarúrslitaleiknum heldur miklu fleiri leikjum í viðbót.
Ívar meiddist í sigrinum á Haukum í undanúrslitaleiknum á miðvikudaginn.
Ívar Bessi er yngri bróðir landsliðsmannsins Elliða Snæs Viðarssonar hjá Gummersbach og með ÍBV-liðinu i dag spilar einnig þriðji bróðirinn sem er Arnór Viðarsson.
Ívar Bessi er aðeins átján ára gamall en þegar farinn að láta til sín taka í varnarleik ÍBV-liðsins þar sem hann hefur spilað fyrir framan vörnina.
Bikarúrslitaleikur ÍBV og Vals hefst klukkan 16.00 í Laugardalshöllinni en Eyjamenn hafa aldrei tapað bikarúrslitaleik.
