Fótbolti

Freyr þakk­látari fyrir ó­­­trú­­legustu hluti: „Búið að vera erfitt“

Aron Guðmundsson skrifar
Freyr Alexandersson, þjálfari knattspyrnuliðs Kortrijk með fjölskyldu sinni. Eiginkonu sinni Erlu Súsönnu Þórisdóttur og þremur börnum. Freyr tók við krefjandi starfi í Belgíu er hann var keyptur til Kortrijk frá danska liðinu Lyngby í upphafi árs. Fjölskyldan varð eftir í Danmörku og söknuðurinn hefur verið ríkjandi hjá þeim góða þjálfara og fjölskyldumanni sem Freyr er.
Freyr Alexandersson, þjálfari knattspyrnuliðs Kortrijk með fjölskyldu sinni. Eiginkonu sinni Erlu Súsönnu Þórisdóttur og þremur börnum. Freyr tók við krefjandi starfi í Belgíu er hann var keyptur til Kortrijk frá danska liðinu Lyngby í upphafi árs. Fjölskyldan varð eftir í Danmörku og söknuðurinn hefur verið ríkjandi hjá þeim góða þjálfara og fjölskyldumanni sem Freyr er. Aðsend mynd

Fjarri fjöl­skyldu sinni vann knatt­spyrnu­þjálfarinn Freyr Alexanders­son mikið af­rek í Belgíu með liði KV Kortrijk. Það var reynsla sem kenndi honum mikið um sjálfan sig en Freyr segir þó að hefði honum ekki tekist ætlunar­verk sitt, þá hefði það orðið honum mjög erfitt að horfast í augu við það sökum þess hversu mikið hann hefur verið í burtu frá fjöl­skyldu sinni.

Freyr vann mikið þrek­virki með Kortrijk á ný­af­stöðnu tíma­bili. Hann tók við þjálfun liðsins þar sem það var í nær ó­mögu­legri stöðu á botni deildarinnar og fall úr belgísku úr­vals­deildinni tókst við. Á ó­tr­lú­legan hátt náði Freyr þó að blása lífi í daufa blöðru Kortrijk sem bjargaði sér frá falli með sigri í fram­lengdum leik gegn Lommel á dögunum.

Freyr Alexandersson hefur náð frábærum árangri í starfi og unnið mikið þrekvirki með bæði danska liðinu Lyngby sem og belgíska liðinu KV KortrijkIsosport/Getty Images

Starfið vann hann fjarri fjöl­skyldu sinni sem varð eftir í Dan­mörku þegar að Freyr hélt yfir til Belgíu. Frá Dana­veldi var hann sóttur til þess að vinna krafta­verk.

„Það er búið að vera erfitt,“ segir Freyr að­spurður hvernig það hafi verið fyrir hann að vera svona mikið fjarri fjöl­skyldu sinni. „Ég veit ekki hvort að allir séu svona en ég á alla­vegana mjög erfitt með að vera svona lengi frá fjöl­skyldunni minni. Ég vil bara geta verið til staðar fyrir hana. Hjálpað og þarf bara á þeim að halda líkt og þau þurfa á mér að halda. Ef mér hefði ekki tekist ætlunar­verkið með Kortrijk, þá hefði ég átt mjög erfitt að höndla það sökum þess hversu mikið ég hef verið í burtu frá fjöl­skyldunni minni. Það er þó búið að vera mjög gaman hjá okkur þegar að þau koma í heim­sókn. Við höfum átt góðar stundir.

En það sé líka annað sem gerist þegar að maður er svona mikið fjarri fjöl­skyldunni sinni.

Freyr og fjölskylda á góðri stundu í DanmörkuAðsend mynd

„Maður fer allt í einu að vera þakk­látari fyrir ó­trú­legustu hluti. Ég hlakka til að fara aftur til Dan­merkur, þar sem að fjöl­skyldan mín er, og fara aftur í það að elda mat á kvöldin fyrir þau. Ég hlakka til að fara í göngu­túr í skóginum með börnunum mínum og konunni minni. Drekka kaffi­bolla á ný með konunni minni á morgnanna. Hlutir sem maður er ekkert að pæla í fyrr en að maður áttar sig á ó­trú­legum smá­at­riðum sem við, mann­eskjurnar, gleymum í hvers­dags­leikanum að vera þakk­lát fyrir. Ég er búinn að læra ó­trú­lega mikið um sjálfan mig þessa undan­farna mánuði hér í Belgíu. Ég tek marga góða hluti út úr söknuðinum og ætla að nýta mér þá góðu hluti sem felast í því að þroskast sem manneskja.“

Belgíski boltinn Danski boltinn

Tengdar fréttir

„Ég er ekki kraftaverkamaður“

„Ég get ekki tekið annað svona ár,“ segir knatt­spyrnu­þjálfarinn Freyr Alexanders­son sem vann mikið af­rek með liði Kortrijk í belgísku úr­vals­deildinni. Af­rek sem gerir Frey að afar eftir­sóttum þjálfara og á hann mikil­vægan fund í dag með stjórn fé­lagsins. Freyr segist ekki vera krafta­verka­maður eins og margir halda fram.

Mest lesið


Fleiri fréttir

Sjá meira


×

Mest lesið