Búinn að ná öllu út úr ferlinum: „Finn ég er orðinn sáttur“

Eins og al­þjóð veit varð Breiða­blik Ís­lands­meistari á mánu­dags­kvöldið síðast­liðið eftir 3-0 sigur á Víkingi Reykja­vík í hreinum úr­slita­leik um Ís­lands­meistara­titilinn á Víkings­velli og þar fylgdist einn af dyggustu þjónum liðsins, Arnór Sveinn, með sam­herjum sínum og væntan­legum leik­mönnum, stoltur sökum frá­bærrar frammi­stöðu Breiða­bliks.

„Það er hægt að vinna leiki, svo er hægt að vinna leiki eins og við gerðum það í gegn Víkingum. Við stóðum svo þétt saman í leik­planinu ef svo má segja. Vorum til­búnir að deyja fyrir hvorn annan. Það var gríðar­lega fal­legt að sjá það. Þetta gerði líka mikið fyrir fé­lagið og fólkið sem að því stendur. Frá­bær dagur.“

Ég held ég geti orðað þetta á þann veg að ég sé búinn að ná öllu út úr ferlinum sem mig langar að ná út úr honum. Ég er ekki að tala um leiki, titla eða eitt­hvað slíkt. Ég er að tala um ein­hvers konar þroska sem mér finnst ég hafa náð úr ferlinum.

Arnór Sveinn

Ákváðu að gera þetta á sínum forsendum

Frá­bær endir á tíma­bilinu fyrir lið Breiða­bliks sem hafði verið nær ó­stöðvandi hér heima fyrir frá því undir lok júní­mánaðar en það var á þeim tíma­punkti sem greina mátti breytingu hjá liðinu í kjöl­far ó­sigurs gegn FH í Kapla­krika í tólftu um­ferð Bestu deildarinnar.

„Í raun tók við breytt þessa nálgun eftir tapið gegn FH í Kapla­krika. Leik þar sem að við hættum að vera við og töpum leiknum. Eftir þannig leik ertu með ó­bragð í munninum og við eigin­lega lofuðum sjálfum okkur því frá þeirri stundu að núna skyldum við gera þetta á okkar eigin for­sendum. Vera hug­rakkir á boltanum, spila í gegnum liðin og pressa í gegnum þau. Stíga hátt á þau. Vera bara við og falla þá á eigin sverði ef svo ber undir. Svo gengur þetta náttúru­lega upp hjá okkur og þegar að þetta gengur upp þá ertu miklu stoltari af árangrinum sem kemur í kjöl­farið.“

Ein­kenni sem sýndu sig svo sannar­lega í úr­slita­leiknum gegn Víkingum þar sem að Blikar voru fastir fyrir, harðir í horn að taka og pressuðu Víkinga hátt. Stundin þegar að dómarinn flautaði til leiks­loka og Ís­lands­meistara­titillinn varð Blika eftir­minni­leg í meira lagi fyrir Arnór og liðs­fé­laga hans.

Sannur maður sem trúir á það sem hann leggur á borðið

Um var að ræða fyrsta tíma­bil Breiða­bliks undir stjórn Hall­dórs Árna­sonar sem að tók við sem þjálfari liðsins eftir brott­hvarf Óskars Hrafns en Hall­dór hafði verið að­stoðar­þjálfari í hans þjálfara­t­eymi. Ís­lands­meistara­titill á fyrsta ári í starfi aðal­þjálfara er frá­bær árangur og ber Arnór honum Hall­dóri vel söguna.

„Það kannski breyttist ekkert endi­lega mikið eftir að hann tók við. Það eru svipaðar á­herslur en Hall­dór er náttúru­lega bara fyrst og fremst al­gjör fag­maður. Út­sjónar­samur, dug­legur og búinn að pæla í öllu. Svo er hann bara sannur. Menn kaupa hann og Hall­dór er ekki að segja neitt nema það sem að hann trúir á sjálfur. Hann er rosa­lega stöðugur í sinni vinnu og þessi vika í að­draganda úr­slita­leiksins gegn Víkingum bar þess merki. Við vorum bara að gera ná­kvæm­lega það sama og áður. Hann í rauninni heldur á­fram þessari vel­gengni sem hefur verið byggt á. Gerir það gríðar­lega vel.“

Orðinn sáttur

Og nú er komið að tíma­mótum hjá hinum 38 ára gamla Arnóri sem eftir far­sælan feril hefur á­kveðið að leggja skóna á hilluna. Feril sem meðal annars inni­heldur þrjá Ís­lands­meistara­titla, bikar­meistara­titil og 255 leiki í efstu deild fyrir bæði Breiðablik og KR þá varði Arnór einnig tíma í Noregi sem atvinnumaður hjá liði Hønefoss BK.

Fram­undan nýtt starf sem að­stoðar­þjálfari í þjálfara­t­eymi Breiða­bliks þar sem að Arnór tekur við stöðu frá­farandi að­stoðar­þjálfarans Eyjólfs Héðins­sonar sem hverfur til annarra starfa hjá Breiða­bliki. Á­kvörðun Arnórs, sem snýr að því að leggja skóna á hilluna, á sér að­draganda.

„Í rauninni fer ég að leiða hugann að þessu eftir síðasta tíma­bil. Að lokum á­kvað ég að taka slaginn á ný­af­stöðnu tíma­bili en þó í að­eins minna hlut­verki en áður hafði verið raunin fyrir mig. Ég vissi það en á­kvað til­tölu­lega fljót­lega á þessu ári að þetta yrði mitt síðasta tíma­bil. Finn að ég er orðinn ein­hvern veginn sáttur. Sáttur með ferilinn. Finn að það er komið að þessum tíma­mótum innra með mér. Ég er bara til­búinn í að taka skrefið. Það að ég skuli að vera detta inn í þjálfara­t­eymið var ekkert inn í myndinni þá. En það eru þó al­gjör­lega for­réttindi að fá að halda á­fram inn í fót­boltanum. Inn í þessum klefa og í þessu fé­lagi mínu. Það kemur ofan á þetta.“

Búinn að ná öllu út úr ferlinum

Stór á­kvörðun að taka eftir líf helgað fót­boltanum sem leik­maður en þó á­kvörðun sem Arnór Sveinn tekur á eigin for­sendum, eitt­hvað sem hlýtur að vera drauma­staða fyrir leik­mann að taka. Arnór er sáttur í eigin skinni með ferilinn.

„Það er komin sátt. g held ég geti orðað þetta á þann veg að ég sé búinn að ná öllu út úr ferlinum sem mig langar að ná út úr honum. Ég er ekki að tala um leiki, titla eða eitt­hvað slíkt. Ég er að tala um ein­hvers konar þroska sem mér finnst ég hafa náð úr ferlinum. Ég fer inn í fót­bolta­ferilinn sem ungur drengur með mikla á­kefð. Með barna­legar til­finningar eins og flestir. Ég finn það núna að ég er orðinn að full­orðnari manni eftir þennan feril. Nú ætla ég bara að stíga inn í nýtt hlut­verk og reyna að þroskast á­fram þar.“

„Ég hef verið að kenna undan­farin ár og hef í því starfi fundið fyrir gríðar­legri ást­ríðu í því starfi og sé kennara- og þjálfara starfið mjög svipuðum augum. Ég held því að ó­með­vitað hafi ég stefnt á þjálfun. Bjóst kannski ekki við því að það yrði alveg strax, hvað þá á þessu gæða­stigi, en ó­með­vitað var ég alveg klár­lega að stíga inn í þjálfun út frá þessari ást­ríðu sem ég hef fyrir því að lóðsa og gefa af mér út frá þeirri þekkingu sem ég hef öðlast sjálfur.“

Vill koma með allt að borðinu sem hann hefur fram að færa

Á­skorunin í komandi starfi er stór og mun hún felast í því að halda á­fram þeirri vel­gengni sem unnið hefur verið að hjá Breiða­bliki

„Senni­lega ekki síður erfitt verk­efni sem nú tekur við. Það hefur verið unnið gríðar­lega gott starf í Breiða­bliki yfir lengri tíma núna. Mig langar að koma inn í það. Koma með allt að borðinu sem ég hef fram að færa. Vonandi höldum við á­fram að taka næstu skref sem fé­lag.“

Að­spurður hvort að hann hafi hug á því að gerast aðal­þjálfari einn daginn hafði Arnór Sveinn þetta að segja:

„Ég hef eigin­lega alltaf nálgast hlutina þannig að ég er ekki að setja mér lang­tíma mark­mið. Ég legg bara allt í sölurnar. Geri mitt allra besta og sé svo hvað gerist. Núna er ég bara að fara stíga inn í þetta hlut­verk og ætla að gefa allt sem ég á og sjá svo hvað setur.