Mikil gleði hefur verið við völd á kosningavökum stuðningsmanna Donalds Trump og Repúblikana víða um Bandaríkin í nótt.
Allt stefnir í að Trump hafi unnið sigur á Demókratanum Kamölu Harris í forsetakosningunum í nótt og þá hafa Repúblikanar náð öldungadeild Bandaríkjaþings aftur á sitt vald.
Að neðan má sjá myndir af kosningavökum Repúblikana, en nýjustu fréttir af kosningunum má sjá í vaktinni.
Repúblikanar hafa tryggt sér meirihluta í öldungadeild Bandaríkjanna, þar sem Demókratar hafa verið með nauman meirihluta undanfarin fjögur ár. Ljóst er að Repúblikanar hafa tryggt sér að minnsta kosti 51 sæti af hundrað.
Bandaríkjamenn gengu að kjörborðinu á þriðjudag til að velja sér nýjan forseta til næstu fjögurra ára. Kannanir bentu til þess að að mjög lítill munur yrði á fylgi frambjóðenda en þegar liðið hefur á nóttina er ljóst að Donald Trump er líklegur til að sigra Kamölu Harris.
