Fótbolti

Tómas tryggði strákunum sigur á Aserum

Ingvi Þór Sæmundsson skrifar
Tómas Johannessen var hetja íslenska liðsins í dag.
Tómas Johannessen var hetja íslenska liðsins í dag. az alkmaar

Íslenska karlalandsliðið í fótbolta skipað leikmönnum nítján ára og yngri sigraði Aserbaídsjan, 0-2, í fyrsta leik sínum í undankeppni EM 2025.

Tómas Johannessen skoraði bæði mörk íslenska liðsins í leiknum í dag. Leikið var í Moldóvu.

Fyrra markið kom á 25. mínútu eftir undirbúning Daníels Tristans Guðjohnsen og það seinna mínútu fyrir leikslok eftir undirbúning Stígs Diljan Þórðarsonar.

Auk Íslands og Aserbaídsjans eru Írland og Moldóva í riðli 7 í undankeppninni. Tvö efstu liðin í riðlunum þréttán komast á næsta stig undankeppninnar auk þess liðs sem er með bestan árangur í 3. sæti riðlanna.

Næsti leikur Íslands er gegn Moldóvu á laugardaginn.

Landslið karla í fótbolta

Mest lesið


Fleiri fréttir

Sjá meira


×

Mest lesið