Ron­aldo býður sig fram til for­seta brasilíska knatt­spyrnu­sam­bandsins

„Hundrað hlutir hvetja mig til að verða kandítat í forsetastöðu brasilíska knattspyrnusambandsins. Ég vil endurheimta orðstírinn og virðinguna sem landsliðið hefur alltaf haft en enginn hefur í dag,“ sagði Ronaldo.

Hann greindi jafnframt frá því að hann hygðist selja hlut sinn í spænska úrvalsdeildarliðinu Real Valladolid vegna framboðsins.

Ronaldo átti einnig níutíu prósent hlut í Cruzeiro í heimalandinu en seldi hann fyrr á þessu ári.

Ronaldo varð heimsmeistari með Brasilíu 1994 og 2002. Hann er næstmarkahæstur í sögu heimsmeistaramótsins með fimmtán mörk. Hann skoraði alls 62 mörk í 98 landsleikjum á árunum 1994-2011.