Þrettánda jafn­teflið hjá Juventus

Juventus sótti Atalanta heim og mátti búast við hörkuleik. Bæði lið hafa spilað vel til þessa á leiktíðinni og því kom ef til vill ekki á óvart að leiknum hafi lokið með 1-1 jafntefli.

Pierre Kalulu kom Juventus yfir á 54. mínútu en Mateo Retegui jafnaði metin á 78. mínútu og þar við sat. Þetta var þriðja jafntefli Atalanta í röð og það 13. hjá Juventus á leiktíðinni.

Í hinum leik kvöldsins í Serie A kom AC Milan til baka gegn Como á útivelli, lokatölur 1-2. Hinn 19 ára gamli Assane Diao kom Como yfir í síðari hálfleik en Theo Hernandez jafnaði metin og Rafael Leão tryggði stigin þrjú með marki þegar tæplega stundarfjórðungur var til leiksloka.

Atalanta er nú í 3. sæti með 43 stig, fjórum á eftir toppliði Napoli. Juventus er í 5. sæti með 34 stig, AC Milan er í 7. sæti með 31 stig og Como er í 16. sæti með 19 stig, einu frá fallsæti.