Íslenski boltinn

Gylfi orðinn Víkingur

Ingvi Þór Sæmundsson skrifar
Gylfi Þór Sigurðsson brosti út að eyrum í Víkingstreyjunni.
Gylfi Þór Sigurðsson brosti út að eyrum í Víkingstreyjunni. vísir/vilhelm

Landsliðsmaðurinn í fótbolta, Gylfi Þór Sigurðsson, var kynntur sem nýr leikmaður Víkings á blaðamannafundi í Víkinni í dag. Hann gerði tveggja ára samning við Fossvogsfélagið.

Fyrir viku greindi Víkingur frá því að Gylfi hefði samið við félagið. Valur samþykkti bæði tilboð Víkings og Íslandsmeistara Breiðabliks í Gylfa en hann valdi að fara í Víkina.

Gylfi samdi við Val skömmu fyrir síðasta tímabil. Hann lék nítján leiki í Bestu deildinni í fyrra og skoraði ellefu mörk. 

Leiðir Gylfa og Vals skildu hins vegar í síðustu viku en Valsmenn voru allt annað en sáttir með leikmanninn og fólk tengt honum í tengslum við félagaskiptin.

Víkingar hafa látið til sín taka á félagaskiptamarkaðnum eftir að síðasta tímabili lauk. Auk Gylfa hafa þeir fengið Róbert Orra Þorkelsson, Atla Þór Jónasson, Stíg Diljan Þórðarson, Daníel Hafsteinsson og Svein Margeir Hauksson. Danijel Dejan Djuric og Gísli Gottskálk Þórðarson eru hins vegar farnir út í atvinnumennsku.

Síðasta tímabili lauk loks hjá Víkingi þegar liðið tapaði 2-0 fyrir Panathianaikos í umspili um sæti í sextán liða úrslita Sambandsdeildar Evrópu á fimmtudaginn var.

Víkingur tapaði fyrir Breiðabliki í úrslitaleik um Íslandsmeistaratitilinn í fyrra og laut einnig í lægra haldi fyrir KA í úrslitaleik Mjólkurbikarsins. Í síðasta mánuði hætti Arnar Gunnlaugsson þjálfun Víkings eftir sex tímabil við stjórnvölinn og við starfi hans tók Sölvi Geir Ottesen.

Besta deild karla Víkingur Reykjavík

Tengdar fréttir

Eru þetta stærstu félagsskiptin síðan Pétur fór í KR?

Ég held að það deili enginn um það mat undirritaðs að félagsskipti Gylfa Þórs Sigurðssonar frá Val yfir í Víking í vikunni séu í hópi þeirra allra stærstu í sögu íslenskra knattspyrnu. En þekkjum við stærri félagsskipti hér á Íslandi?

„Einbeiti mér að allt öðru en einhverri dramatík á Íslandi“

Sölvi Geir Ottesen, þjálfari Víkings, er ánægður með nýjustu kaup Víkinga. Gylfi Þór Sigurðsson varð leikmaður liðsins í gær. Hann er þó með fullan hug við stórleik morgundagsins við Panathinaikos í umspili Sambandsdeildar Evrópu.

Faðir Gylfa Þórs segir Börk hafa gert sam­komu­lag við sig

Sigurður Aðalsteinsson segir Börk Edvardsson, fyrrverandi formann Knattspyrnudeildar Vals, hafa gert samkomulag við sig um að Valur myndi ekki standa í vegi Gylfa Þórs, sonar Sigurðar, færi svo að þessi þaulreyndi landsliðsmaður myndi vilja yfirgefa Val.

„Kemur pabba mínum ekki við hvar ég spila fótbolta“

„Þetta var komið í algjör leiðindi. Ég get alveg tekið það á mig að ég hefði getað gert þetta öðruvísi. Báðir aðilar hefðu getað gert þetta öðruvísi,“ segir Gylfi Þór Sigurðsson um brotthvarf sitt frá Val yfir til Víkings.

Umdeild frammistaða Gylfa í kveðjuleiknum

Gylfi Þór Sigurðsson yfirgaf herbúðir Vals í gær og samdi við Víking. Það gerðist þó ekki hávaðalaust enda sendu Valsmenn honum tóninn.

Stjórn Vals segir Gylfa hafa sýnt liðsfélögunum vanvirðingu

Stjórn knattspyrnudeildar Vals hefur sent frá sér yfirlýsingu vegna sölu Gylfa Þórs Sigurðssonar frá félaginu til stuðningsmanna liðsins. Ekki hafi staðið til að selja Gylfa en það hafi breyst eftir leik Vals og ÍA um helgina.

Valur samþykkti tilboð í Gylfa

Valur hefur samþykkt tvö tilboð í Gylfa Þór Sigurðsson, leikmann liðsins, frá bæði Breiðabliki og Víkingi sem berjast um undirskrift hans.

Mest lesið


Fleiri fréttir

Sjá meira


×

Mest lesið