Framhaldsmyndin ber hinn einfalda titil Happy Gilmore 2. Sögurþráður myndarinnar er illgreinanlegur af stiklunni nema hvað Gilmore virðist vera að snúa aftur á golfvöllinn eftir margra ára fjarveru og þarf þar að etja kappi gegn sumum af bestu golfurum heims.
Þrátt fyrir fjarveru frá golfinu er krafturinn í Gilmore enn töluverður sem sést í góðri golfhermissenu í stiklunni.
Þó nokkrir karakterar snúa aftur úr fyrstu myndinni, þar á meðal Virginia Venit (Julie Bowen), Shooter McGavin (Christopher McDonald), elliheimilisstarfsmaðurinn Hal (Ben Stiller), besti vinurinn Otto (Allen Covert) og mótsstjórinn Doug Thompson (Dennis Dugan).
Þá má sjá fjölda nýrra nafna í myndinni: Benito Antonio Martínez Ocasio, betur þekktur sem Bad Bunny, leikur kaddý, Margaret Qualley, Travis Kelce, Nick Swardson, Benny Safdie og dætur Sandler, Sadie og Sunny.
Leikstjóri myndarinnar er Kyle Newacheck sem hefur áður leikstýrt myndunum Game Over Man! (2018) og Murder Mystery (2019) en Sandler lék aðalhlutverkið í þeirri síðanrnefndu. Handrit myndarinnar skrifa Sandler og Tim Herlihy, einn nánasti samstarfsmaður Sandler sem hefur skrifað flestar mynda leikarans.
