Fótbolti

Lewandowski með tvö og er á toppnum

Sindri Sverrisson skrifar
Fermin Lopez og Robert Lewandowski fagna í sigrinum gegn Girona í dag.
Fermin Lopez og Robert Lewandowski fagna í sigrinum gegn Girona í dag. Getty/Judit Cartiel

Barcelona er með þriggja stiga forskot á toppi spænsku 1. deildarinnar í fótbolta eftir öruggan sigur gegn Girona, 4-1, í dag.

Pólverjinn Robert Lewandowski skoraði tvö marka Börsunga, á 61. og 77. mínútu, þegar hann kom liðinu í 3-1 eftir að Arnaut Danjuma hafði jafnað metin fyrir Girona. Fyrsta mark leiksins var sjálfsmark.

Ferran Torres innsiglaði svo sigur Barcelona með marki skömmu fyrir leikslok.

Lewandowski er markahæstur í deildinni, nú með 25 mörk, þremur mörkum á undan Kylian Mbappé sem kemur næstur.

Barcelona er nú með 66 stig eftir 29 leiki, þremur stigum á undan Real Madrid og sex stigum á undan Atlético Madrid, þegar níu umferðir eru eftir. Næsti leikur liðsins er á miðvikudag gegn Atlético, í spænska konungsbikarnum.

Spænski boltinn

Mest lesið


Fleiri fréttir

Sjá meira


×

Mest lesið