Tæp­lega þrjá­tíu ung­menni á leið í sam­kvæmi þegar slysið varð

Ungmennin voru á leið norður í átt að Hofsósi þegar slysið varð, suður af bænum. Í tilkynningu frá lögreglu segir að þeim hafi í kjölfarið verið fylgt í húsnæði Björgunarsveitarinnar Grettis á Hofsósi, þar sem hlúð var að þeim og þau fengu áfallahjálp.

Veginum var lokað vegna slyssins en um tíma var opnuð hjáleið svo foreldrar og aðstandendur ungmennanna gætu sótt þau. Vegurinn var opnaður fyrir umferð upp úr klukkan eitt í nótt en vinna stendur áfram yfir á vettvangi.

Í tilkynningu lögreglunnar segir að frekari upplýsingar um ástand hinna slösuðu liggi ekki fyrir.