Tuttugu ára fangelsis­vist fyrir kyn­ferðis­brot gegn 299 börnum

Joel Le Scouarnec, nú 73 ára, var ákærður fyrir yfir hundrað nauðganir og yfir 150 önnur kynferðisbrot. Í langflestum tilvikum braut hann gegn börnum. Af börnunum voru 158 drengir og 141 stúlka. 256 þeirra voru yngri en fimmtán ára en meðalaldurinn var ellefu ára. 

Hann notaði stöðu sína sem skurðlækni og braut gegn fórnarlömbunum á meðan þau voru undir svæfingu. Flest fórnarlömbin vissu ekki að brotið hafið verið á þeim fyrr en lögreglan hafði samband. 

Réttarhöldin hófust 24. febrúar en málið kom upp eftir að árið 2017 sagði sex ára stúlka foreldrum sínum að hann hefði beitt hana kynferðiofbeldi. Árið 2020 var hann dæmdur í fimmtán ára fangelsi fyrir brotið auk þess að hafa brotið gegn tveimur frænkum sínum og öðru barni. Vegna málsins var framkvæmd húsleit og fannst dagbók Le Scourance þar sem hann hafði skráð öll fórnarlömbin sín. 

Tuttugu ár sé hámarksrefsingin

Samkvæmt umfjöllun BBC um málið eru tuttugu ár hámarksrefsing fyrir afbrotið en hann þarf að vera í fangelsi í að minnsta kosti tvo þriðju þess tíma. Þar sem hann hefur nú þegar verið í fangelsi í sjö ár gæti hann komist úr fangelsinu á skilorði árið 2030.

„Að hugsa til þess að hann gæti gengið niður göturnar, sjá fólk, það kemur mér í uppnám. Við getum ekki lengur átt eðlilegt líf á meðan þeir eru að reyna veita honum eðlilegt líf og mér finnst það ógeðslegt,“ sagði Amélie Lévêque, eitt fórnarlamba Le Scourance.

Allaveganna tvö fórnarlambanna sviptu sig lífi vegna kynferðisbrotanna. Le Scourance sagði fyrir dóm að hann bæri ábyrgð á þessum tveimur lífum. Hann sagðist einnig ekki búast við eða vilja mildi dómarans.

„Ég get ekki lengur horft á mig sjálfan eins því ég er haldinn barnagirnd og barnaníðingur,“ sagði hann.